عۆممان و عەرەبستان نووسراوێکی لێکتێگەیشتننامەیان بۆ دامەزراندنی شەورای هەماهەنگی واژوو کرد
پەیامی کورد ... عۆممان و عەرەبستان نووسراوێکی لێکتێگەیشتننامەیان بۆ دامەزراندنی شەورای هەماهەنگی واژوو کرد .
سۆڵتانی عۆممان و پادشای عەرەبستان نووسراوێکی لێکتێگەیشتننامەیان بۆ دامەزراندنی شەورای هەماهەنگی نێوان عۆممان و عەرەبستان بە ئامانجی هەماهەنگی بەردەوام لە نێوان دوو ووڵات سەبارەت بە بابەتگەلی خاوەن گرینگییەکی هاوبەشە واژوویان کرد .
شەورای هەماهەنگی عۆممان و عەرەبستان بڕیار وایە بە پشت بەستن بە فەرمانەتی سۆڵتانی عۆممان و پادشای عەرەبستان بە ئامانجی گفتۆگۆ و هەماهەنگی بەردەوام لە کاروبار و بابەتگەلی خاوەن گرینگی هاوبەش لە هەموو بوارەکانی نێوان هەردوو دەوڵەتی عۆممان و عەرەبستان دا دامەزرێت .
ئاژانسی میدیایی فەرمی عەرەبستان لەم پەیوەندییەدا جەختی کردەوە کە واژووی نووسراوێکی لێکتێگەیشتننامە بۆ دامەزراندنی شەورای هەماهەنگی نێوان عۆممان و عەرەبستان لە چوارچیوەی بەهێزکردن ، بەردەوامی و بەرفراوان کردنی ئاستی هیواکانی هاوکاری لە نێوان هەر دوو ووڵاتی برا و واژووی زۆرێک لە ڕێکەوتننامەکان و نووسراوەکانی لێکتێگەیشتنی هاوبەش لە ڕاستای گەیشتن بە بەرژەوەندی یە هاوبەشەکان ئەنجام دراوە .
هەروەها جێگای ئاماژەیەیە لە میانەی چاوپێکەتنی ڕابەرانی هەر دوو ووڵات پادشای عەرەبستان ، ملوانکەی مەلەک عەبدۆلعەزیز کە بەرزترین و باڵاترین نیشانی عەرەبستان هەژمار دەکرێت کردە دیاری و خەڵات بۆ سۆڵتانی عۆممان و لە بەرامبەریش دا سۆڵتان ی عۆممان یش نیشانی ئالی سەعید ی وەک باڵاترین نیشانی عۆممان پێشکەشی ئەو کرد .
ئەم بابەتە 11985 جار خوێندراوەتەوە