پەیامی کورد   ...   عێراقچی : دانووستانی ناڕاستەوخۆی نێوان ئێران و ئەمریکا لە ڕۆژی شەممەوە دەست پێدەکات

عەباس عێراقچی، وەزیری دەرەوەی ئێران ڕایگەیاند : دانووستانی ناڕاستەوخۆی نێوان ئێران و ئەمریکا لە ڕۆژی شەممە (١٣ی نیسان) لە عوممان دەست پێدەکات.

بە پێی ڕاپۆرتێک ، عەباس عێراقچی لە تۆڕی کۆمەڵایەتی ئێکس نووسی : ئێران و ئەمریکا ڕۆژی شەممە لە عوممان کۆدەبنەوە بۆ دانووستانی ناڕاستەوخۆ لەسەر ئاستی بەرپرسانی باڵا.

لە درێژەی قسەکانیدا ووتی : ئەمە دەرفەتێکە و هەروەها تاقیکردنەوەیەک. تۆپەکە لە گۆڕەپانی ئەمریکایە.

دۆناڵد ترامپ، سەرۆکی ئەمریکا دووشەممە ، لە میانەی دیدارێکی لەگەڵ بێنیامین ناتانیاهوو ، سەرۆک وەزیرانی ئیسرائیل لە کۆشکی سپی، بانگەشەی کرد کە: "لە گفتوگۆی ڕاستەوخۆداین لەگەڵ ئێران".

سەرۆک ترامپ ڕۆژی دووشەممە بە کاتی ناوخۆی کۆشکی سپی ئەو بانگەشەی بۆ ڕۆژنامەنووسان دووپاتکردەوە و ووتی: ئێمە لە گفتوگۆی ڕاستەوخۆداین لەگەڵ ئێران دا. ڕۆژی شەممە کۆبوونەوەیەکی زۆر گەورەمان دەبێت. هەمووان هاوڕان لەسەر ئەوەی کە ئەنجامدانی ڕێککەوتن باشترە لە وەرگرتنی شتەکان بە شتێکی ئاسایی و ئاشکرایە. شتێک نییە کە من بمەوێت بەکاری بهێنم. "ئێمە چووینەتە قۆناغێکی زۆر مەترسیدارەوە".

ترامپ، شانبەشانی بێنیامین ناتانیاهوو ، سەرۆکوەزیرانی ئیسرائیل لە ئۆفیسی هێلکەیی کۆشکی سپی قسەی کرد و ڕایگەیاند، ڕۆژی شەممە کۆبوونەوەیەکی زۆر گەورە بەڕێوەدەچێت و کۆبوونەوەکە ڕاستەوخۆ و لە ئاستێکی بەرزدا دەبێت، بەڵام جەختی لەوە کردەوە کە تاران ناتوانێت چەکی ئەتۆمی بەدەست بهێنێت.