پەیامی کوورد      ...     فەرماندەی ئەرتەشی ئەمریکا هۆشداری دەدات .

فەرماندەی ئەرتەشی ئەمریکا سەبارەت بە کاریگەرییەکانی شەڕی غەززە و زیاتر لەوەش لە ناوچەکەدا هۆشداری دا .

باڵاترین پلەی نیزامی و سەربازی ئەمریکا سەبارەت بە کاریگەرییەکانی شەڕی غەززە لە سەر ناوچەکە و زیاتر لەوە هۆشداریدا .

بە پێی ڕاپۆرتێک لە فڕانس ٢٤ ژەنڕاڵ مارک میلی سەرۆکی کۆمیتەی هاوبەشی ئەرتەشی ئەمریکا دەربارەی بەردەوامی شەڕی غەززە هۆشداری دا و ووتی کاریگەرییەکانی شەڕی غەززە زۆر زیاتر لە ناوچەکە داگیر دەکات .

میلی هۆشداری دا هیچ کەسێک لەم شەڕە قازانج ناکات و پاشهاتەکانی زۆر زیاتر لە ڕۆژهەڵاتی ناوەڕاست دەگرێتەوە .

سەرۆکی کۆمیتەی هاوبەشی ئەەرتەشی ئەمریکا کە بەرەو برۆکسڵ ڕۆیشتووە تاکوو لە دانیشتنی ناتۆ بەشداری بکات داوای لە حەماس و ئیسرائیل کرد ئاگربەس ڕابگەێنن . ئەو لە ووڵام بە پرسیاری تاوانی پاڵپشتی کردنی ئێران لە حەماس ووتی : ئەم شەڕە قوربانی زۆری دەبێت و ناوچەکە و زیاتریش لەو ئاستە نائەمن و ناسەقامگیر دەکات و کردوویەتی .

داواکاری بەرپرسانی ئەمریکی بۆ ئاگربەس لە حاڵێکدایە کە ئەەم ووڵاتە ئاشکرا پاڵپشتی لە هێرشەکانی ئیسرائیل بۆ سەر ناوچەگەلی نیشتەجێبوون کردووە و بەم تازیی یانە هاوکارییەکی نیزامی و سەربازی گەورەشی بۆ ئیسرائیل ناردووە 

ژەنەڕاڵ مەیلی هەروەها ووتی : منداڵان و کەسانی سڤیل لەم شەڕەدا وا دەکوژرێن و من بیر ناکەمەوە بەردەوامی ئەم شەڕە بە قازانجی کەسێک بێت . من وا بیر دەکەمەوە گەیشتن بە ئامانجی سەربازی و نیزامی هەر چەندە گرینگیش بێت پاشهاتەکانی ئەم شەڕە گرینگترە و باشتر وایە هەر دوو لایەن هەر چی زووە ئاگر بەس بکەن

ئەم بابەتە 12001 جار خوێندراوەتەوە