قۆباد تاڵەبانی لە چاوپێکەوتنی لەگەڵ کونسووڵی ئەمریکا پەیامێکی ڕاگەیاند
پەیامی کورد ... قۆباد تاڵەبانی لە چاوپێکەوتنی لەگەڵ کونسووڵی ئەمریکا پەیامێکی ڕاگەیاند
جێگرى سه‌رۆكوه‌زیرانى هه‌رێم رایگەیاند : حکوومەت لەسەر ئەنجامدانی چاکسازی و کەمکردنەوەی رۆتین و نەهێشتنی گەندەڵی بەردەوام دەبێت.
قوباد تاڵەبانی جێگری سەرۆكوەزیرانی هەرێمی كوردستان لە ھە‌ولێر ئە‌مڕۆ ١٠ی ئابی ٢٠٢١ لەگەڵ ماتیۆ تولەر باڵیۆزی ئەمریکا لە عێراق و ڕۆبێرتۆ پالەدینۆ کۆنسووڵی گشتی ئەمریکا لە هەرێمی کوردستان دابان شەدەڵە، جێگری بەرپرسی فەرمانگەی پەیوەندییەکانی دەرەوەی هەرێمی کوردستان كۆبووەوە لەبارەی كۆمەڵێك پرس گفتوگۆیان كرد، هاوكات لەبارەی دۆخی سیاسی هەرێمی کوردستان بیروڕا ئاڵوگۆڕكرا و قوباد تاڵەبانی، دۆخی ناوخۆی یەکێتی و هەنگاوە چاکسازییەکانی ئەم دواییەی بۆ شاندی میوان ڕوون كردەوە.
باڵیۆزی ئەمریكا دووپاتیكردەوە، هاوپەیمانان پابه‌ندن بە شەڕی داعش و پاڵپشتی ئەمریکا بۆ هێزە ئەمنییەكانی عێراق و پێشمەرگە.
هەروەها ڕۆڵی قوباد تاڵەبانی به گرینگ زانى له هەنگاوەکانی چاکسازی ، لەنێویاندا چاکسازییەکانی وەزارەتی پێشمەرگە و جەختیكردەوە "ئەمریکا بەردەوام دەبێت لە پشتیوانیکردنی هەرێمی کوردستان لە بوارە جیاکاندا، بە تایبەتیش لە بوارەکانی وەبەرهێنان و پەرەپێدانی کەرتی تایبەت".
هاوكات هەردوولا هاوڕابوون، كە گرینگە لە کاتی دیاریكراوی خۆیدا ئەنجام بدرێت و هەڵبژاردنێکی پاک و بێگەرد بێت.
قوباد تاڵەبانی جەختیکردەوە، حکوومەت لەسەر ئەنجامدانی چاکسازی و کەمکردنەوەی رۆتین و نەهێشتنی گەندەڵی بەردەوام دەبێت.
ئەم بابەتە 11988 جار خوێندراوەتەوە