پەیامی کورد      ...    لاهوور جەنگی دەکەوێتە پاڕانەوە لە بەرامبەر پافڵ تاڵەبانی یەوە .

لاهوور شێخ جەنگی هاوکات لەگەڵ ژمارەیەک لە مامۆستایانی ئائینی کۆدەبێتەوە و داوا دەکات دۆخی ناوخۆی یەکیتی بە ئاشتەوایی و برایەتی چارەسەر بکات لە کاتێکدا پافڵ تاڵەبانی سوور و پێداگرە لە سەر بەردەوامیدان بە هەموو گۆڕانکارییەکان .

بە گوێرەی ڕاگەیندراوی نووسینگەکە دوێنێ پێنجشەممە ٥ی ئۆگۆستی ٢٠٢١ لاهوور جەنگی پێشوازی لە دەستەیەک لە مامۆستایانی ئائینی کوردستان کردووە کە پێکهاتوون لە نوێنەرانی مامۆستایانی ئائینی سلێمانی و هەولێر و گەرمیان و شارەزوور و کەرکووک .

بە پێی ئەم ڕاگەیندراوە لاهوور جەنگی و مامۆستایانی ئائینی هاوڕابوون کە دۆخی ناوخۆی یەکیتی دەبێ بە ئاشتەوایی و برایەتی چارەسەری بۆ بکرێت و کۆتایی بەم دۆخە نەخوازراوە بهێنرێت

پەیاماکەی لاهوور لە کاتێکدایە کە پافڵ تاڵەبانی لەگەڵ ژمارەیەکی بەرچاو لە سەرۆک عەشیرەت و کەسایەتی کۆمەڵایەتی کۆبووەتەوە و ڕایگەیاندووە : " هەر بڕیارێک درابێت لە پێناو چاکسازی و بەرژەوەندی گشتیدا بووە و خەڵکی خۆشەویستی سنووری سلێمانی و هەرێمی کوردستان سوودمەندی یەکەم دەبن .

تاڵەبانی هەروەها ڕایگەیاندووە : گۆڕانکارییەکان بەردەوامیان دەبێت و دەمانەوێت ژینگەیەکی لەبار و ئارام بۆ خەڵکەکەمان دەستەبەر بکەین و خزمەتگوزاری زیاتر پێشکەش بکەین هیچ کەسێک لەسەرووی یاساوە نەبێت و هەمووان هەست بە ئارامی و سەلامەتی بکەن ، پاراستنی بەرژەوەندییە نەتەوەیی و نیشتیمانییەکان بە ئەرکی خۆمان دەزانین و دابینکردنی ژیانێکی شایستە بۆ هاووڵاتیان کاری لەپێشینەمان دەبێت .

ئەم بابەتە 11991 جار خوێندراوەتەوە