پەیامی کورد     ...    لاهوور جەنگی  : من بە شێوەیەکی کاتی دەسەڵاتەکانم پێشکەشی پاڤڵ هاوسەرۆکی دووهەم کردووە .

تاکە مەرجم پێکهێنانی لێژنەیە

لاهوور جەنگی ووڵات فرۆش پەیامێکی پێجەوانەی ووتەکانی پێشووی بڵاو دەکاتەوە و لە پەیامێکدا پاڤل تاڵەبانی بە هاوسەرۆکی دووهەم ناودەبات و دەڵێ من بە شێوەیەکی کاتی دەسەڵاتەکانم ڕادەستی ئەو کردووە تاکوو خوێن نەڕێژرێت . ئەم قسانە لێرەدا بە جۆرێکی دیکە وەکوو هەڕەشەکردن خۆی دەردەخات ، بە واتا ئەگەر ئەم دەسەڵاتە بۆ ئەو نەگەڕێتەوە ئەوە ئەو بە شیوەیە ناڕاستەوخۆ ئاماژە بە شەڕی ناوخۆیی یەکیتی و بە دەستهێنانی دەسەڵات دەکات .

لاهوور جەنگی لە هەژماری تایبەتی خۆی لە تۆڕی کۆمەڵایتی فەیسبووک ڕایگەیاندووە ، وا دیارە بۆ هەموو لایەکتان ئەو پرسیارە درووست بووە بۆچی بەندە بێدەنگیم هەڵبژاردووە ، لێرەوە پێتان دەڵێم هەرگیزا و هەرگیز باوەڕم بە بەکارهێنانی هێز نەبووە و نییە بۆ یەکلاکردنەوەی کێشەی حێزبی پێم وایە هێزی پێشمەرگە و هێزە ئەمنییەکان تەنیا لە کاتی مەترسی لە سەر هەرێمەکەمان و هاوولاتیانی کورد دەبێت ڕووی چەکەکانیان لە دوژمن بێت نابێت ڕێگە بدەن نە بەندە و نە هیچ کەسێکی تر لەم هەرێمە بۆ مەرامی شەخسی خۆیان بە کاریان بهێنن

لاهوور جەنگی پاڤڵ تاڵەبانی بە هاوسەرۆکی دووهەم ناو دەبات و دەڵێت بەندە بە دڵێکی فراوانەوە بە ڕەزامەندی خۆم و بە شێوەیەکی کاتی دەسەڵاتەکانم ڕادەستی هاوسەرۆکی دووهەم کردووە و تا ئەو کاتەی کە پەیڕەوی ناوخۆیی هەموار دەکرێت ، ئەمەمان وەک ڕێگە چارەیەک بۆ بەرگری کردن لە خوێن ڕشتن کە لە ئارادا بوو بە کار هێناوە .

بە دڵگرانییەوە لە ڕوانگەی ئەم پێشهاتە نوێیانەوە بەرپرسیاریەتییەکەی خۆم وەک سەرۆکی هاوپەیمانی بە جێ دەهێڵم  و بە شێوەیەکی کاتی دەکشێمەوە

ئەم بابەتە 11987 جار خوێندراوەتەوە