لاهوور جەنگی پەیامێک ئاراستەی عەممار حەکیم دەکات
پەیامی کورد ... لاهوور جەنگی پەیامێک ئاراستەی عەممار حەکیم دەکات .
لاهوور جەنگی، هاوسەرۆکی یەکێتی پەیامێکی ئاڕاستەی عەممار حەكیم کرد و رایگەیاند، دوای پرۆسه‌ی رزگاری عێراق، كه به تێكۆشانی ده‌یان ساڵه‌ی جوڵانه‌وه رزگاریخوازه نه‌ته‌وه‌یی و نیشتمانیی و پشتیوانییه نێوده‌وڵه‌تییه‌كان هاته‌دی، "ئایه‌تولڵا موحه‌مه‌د باقر حه‌كیم، وه‌ك یه‌كێك له‌و سه‌ركرده باڵا نیشتمانییانه، ده‌ویست داهاتووی عێراق بینا بكات"، عێراقێكی ده‌ویست كه دوای رژێمێكی تاكڕه‌وی داپڵۆسێنه‌ر، جێگه‌ی كورد و عه‌ره‌ب و توركمان، كه‌مینه‌ی نه‌ته‌وه‌یی و تائێفی ، سوننه و شیعه‌ی تیا ببێته‌وه.
لاهوور شێخ جەنگی پەیامێکی ئاڕاستەی عەممار حەكیم، سەرۆكی رەوتی حیكمەی نیشتیمانی کردوە و رایگەیاندوە، "هه‌ژده ساڵ تێده‌په‌ڕێ به‌سه‌ر تیرۆر و شه‌هیدكردنی ئایه‌تولڵا محه‌مه‌د باقر حه‌كیم، به‌ڵام رۆژ له دوای رۆژ پێگه‌ی ئه‌م پیاوه باڵابه‌رزه‌ی مێژوو و خاڵیبونی جێگه‌كه‌ی، له‌كایه‌ی ئاینی و سیاسی و نیشتمانی ووڵاته‌كه‌دا به‌رجه‌سته‌تر ده‌بێ، بێ دودڵی، ئه‌گه‌ر ئه‌م هاوڕێیه‌ی سه‌رۆك مام جه‌لال له ژیاندا بمایه، عێراق ئاینده‌یه‌كی جیاوازتر و شایسته‌تری ده‌بو، له خۆڕا نییه كه دوژمنانی عێراقی نوێ، به ده‌ستبردن بۆ خوێنی شه‌هیدی میحراب، به یه‌كجار په‌لاماری یه‌كڕیزی و ئاشته‌وایی و سه‌ربه‌خۆیی نیشتمانییان دا و، پرۆژه‌ی بنیادنانه‌وه‌ی عێراقیان خه‌ڵتانی خوێن كرد".
ئاماژەی بەوەشکردوە، دوای پرۆسه‌ی رزگاریی عێراق، كه به تێكۆشانی ده‌یان ساڵه‌ی جووڵانه‌وه رزگاریخوازه نه‌ته‌وه‌یی و نیشتمانی و پشتیوانییه نێوده‌وڵه‌تییه‌كان هاته‌دی، "ئایه‌تولڵای شه‌هید، وه‌ك یه‌كێك له‌و سه‌ركرده باڵا نیشتمانییانه، ده‌ویست داهاتووی عێراق بینا بكات، عێراقێكی ده‌ویست كه دوای رژێمێكی تاكڕه‌وی داپڵۆسێنه‌ر، جێگه‌ی كورد و عه‌ره‌ب و توركمان، كه‌مینه‌ی نه‌ته‌وه‌یی و تائێفی ، سووننه و شیعه‌ی تیا ببێته‌وه، ده‌ویست نیشتمان بۆ هه‌مووان بێت، ته‌وافوق و پێكه‌وه ژیان و بنیادنان، ده‌نگی خه‌ڵك و هه‌ڵبژاردن، ئاشتی و ئازادی و سه‌قامگیری به‌دیبێنێت".
لاهوور شێخ جەنگی لەپەیامەکەیدا بۆ عەممار حەکیم نووسیویەتی، "ئێمه له یه‌كێتی نیشتمانی كوردستان، میراتگری ئه‌و په‌یوه‌ندییه قوڵ و دۆستانه‌یه‌ی نێوان هه‌ڤاڵ مام جه‌لال و ئایه‌تولڵا حه‌كیمین، كه بناغه‌كه‌ی، هیوای داڕشتنی ئاینده‌یه‌كی گه‌شتره بۆ عێراق و گه‌له‌كانمان".
ئەوەشی خستەڕوو، به درككردن به هه‌ستیاریی رۆژگاریی ئه‌مڕۆی عێراق و ئه‌و ئاڵنگارییه ئه‌منی و ئابوری و سیاسییه‌ی هه‌ڕه‌شه له گه‌له‌كانی و به‌تایبه‌ت گه‌لی كوردستان ده‌كات، "پابه‌ندبوونی خۆمان به بنه‌ما ره‌سه‌نه‌كانی شه‌راكه‌تی نیشتمانی دوپاتده‌كه‌ینه‌وه، له‌به‌رامبه‌ریشدا خوازیارین دڵسۆزان و هاوخه‌باته‌كانی حه‌كیمی عێراق، له مامه‌ڵه‌كردن له‌گه‌ڵ ئێستای وڵاته‌كه، له رێبازه‌كه‌ی ئایه‌تولڵای شه‌هید لانه‌ده‌ن، هانیان ده‌ده‌ین سازان و پێكه‌وه ژیان، بۆ كاری سیاسی و حوكمڕانی له عێراقدا به‌هه‌ند وه‌ربگرن، داوایان لێ ده‌كه‌ین مافه ده‌ستورییه‌كانی گه‌لی كوردستان، كه بنه‌مای به‌هێزبوونی گیانی پێكه‌وه ژیان و سه‌قامگیری و گه‌شه‌ی زیاتری وڵاته‌كه‌یه، بپارێزن".
لە پەیامەکەی لاهوور جەنگیدا هاتووە، "گه‌له‌كه‌مان و یه‌كێتییه‌كه‌مان، كه قوربانیی زۆر گه‌وره‌یان داوه له به‌ره‌نگاربوونه‌وه‌ی رژێمی دیكتاتۆر و تیرۆریزم و بنیادنانی عێراقی نوێ، هه‌میشه قوربانیدانه‌كانی ئایه‌تولڵا حه‌كیم و، بیروباوه‌ڕه‌كانی بۆ پێكه‌وه ژیان و شه‌راكه‌تی نیشتمانی و به‌شداری راسته‌قینه، به به‌رزی راده‌گرین".
ئەم بابەتە 11991 جار خوێندراوەتەوە