قائیمقامیەتی سلێمانی لە ڕاگەێندراوێکدا ئاماژە بەوەدەکات، بە ھەماھەنگی فەرمانگە پەیوەندیدارەکانی شارەکە لەگەڵ نزیک بوونەوەی وەرزی باران بارین ئامادەکاری پێشوەختی دەست پێکردووە بۆ ئەوەی لەکاتی لافاو رووداوی سرووشتی بەھانای ھاووڵاتیانەوە بچن و کارەساتە سرووشتییەکان نەبنە ھۆی رووداوی نەخوازراو.
هەروەها قائیمقامیەتی باسی لەوەشکردووە، کە وەک ھەنگاوی یەکەم تیمەکانی شارەوانی دەستیان کردووە بە پاک کردنەوەی مەنهۆڵ و ئاوەڕۆکان بۆ ئەوەی لەکاتی باران بارینی بەخوڕ رێگری بکرێت لە درووست بوونی لافاودا و کارەسات و رووداوی نەخوازراو.
ئەوەشی خستووەتەڕوو، ھەڵسەنگاندن و پێداچونەوە بۆ ئەو شوێن و گەڕەکانەی سلێمانی دەکرێت کە لەساڵانی رابردوودا بەھۆی دروست بوونی لافاو زیانیان بەرکەوتووە، ئەمەش لەرێگەی گرتنەبەری چەند ھەنگاوێکی پێویست و پێشوەخت بۆ رێگری کردن لە دروست بوونی لافاو زیان گەیاندن بە ھاووڵاتیان.