لە ڕووداوێکی هاتووچۆ دا ٢٩ پۆلیس دەبنە قوربانی
پەیامی کورد ... لە ڕووداوێکی هاتووچۆ دا ٢٩ پۆلیس دەبنە قوربانی
له‌سه‌ر ڕێگه‌ى " كه‌ركووك ـ حه‌ویجه " و به‌هۆى ڕووداوێكى هاتووچۆوه، ٢٩ پۆلیسى فیدراڵى بوونه قوربانی و ژماره‌یه‌ك له‌وانه گیانیان له‌ده‌ستداوه.
مەروان عانی بەرپرسی فەرمانگەی گەیاندن‌و ڕاگەیاندنی کەرکووک ڕایگەیاندووە ، "کەمێک له‌مه‌وبه‌ر لەسەر ڕێگەی " کەرکووک - حەویجە " ڕووداوێکی ھاتووچۆ لەنێوان ئۆتۆمبێلێکی سەربازی و کۆستەرێکدا ڕوویداوه، به‌هۆیه‌وه ٢٩ کەس برینداربوون وو گیانیان لەدەستدا".
ووتیشى:"قوربانییەکان پۆلیسی لیوای ھەشتی فیرقەی ٥ ن و لەکاتی گەڕانەوەیان لەبنکەکانی دەنگدانەوە بۆ بارەگای لیوا تووشی ئەو ڕووداوە بوون".
ئه‌وه‌شى وتوه، "لەناو قوربانییەکاندا ئەفسەر ھەیەو تائێستاش چەند پۆلیسێک گیانیان لەدەستداوە".
ئەم بابەتە 11991 جار خوێندراوەتەوە