مه‌سرور بارزانی : کوردستانێکی بەهێزتر پێویستی بە گەشەپێدانی زیاتری ئابوورییە
پەیامی کورد ... مه‌سرور بارزانی : کوردستانێکی بەهێزتر پێویستی بە گەشەپێدانی زیاتری ئابوورییە
مه‌سرور بارزانی سه‌رۆكی حكوومه‌تی هه‌رێمی كوردستان له هه‌ژماری تایبه‌تی خۆی له تۆڕی كۆمه‌ڵایه‌تی (ئێكس) تویته‌ری پێشوو ، ڕایگه‌یاند : دەزانین کە کوردستانێکی بەهێزتر پێویستی بە گەشەپێدانی زیاتری ئابوورییە، بە تایبەت:
- سیستەمێکی بانکی هاوچەرخ
- پیشەسازی نوێ
- کەمکردنەوەی رۆتین
هه‌روه‌ها سه‌رۆكوه‌زیران نووسیوویه‌تی: ئەمڕۆ، ئەو رێگایانەمان تاووتوێکرد، کە بەو ئامانجانەمان دەگەیەنن.
سێشەممە 10/17 بە سەرپەرشتی مەسرور بارزانی سەرۆکی حکوومەتی هەرێمی کوردستان و ئامادەبوونی قوباد تاڵەبانی جێگری سەرۆکی حکوومەت، ئەنجوومەنی باڵای وەبەرهێنان کۆبووەوە.
لە کۆبوونەوەکەدا، گفتوگۆ لەبارەی پەرەپێدانی زیاتری وەبەرهێنان و پێشخستن و ڕاکێشانی پرۆژەکانی وەبەرهێنان و نەهێشتنی بەربەست و ئاستەنگەکانی بەردەم پرۆسەی وەبەرهێنان لە هەرێمی کوردستان کرا.
ئەم بابەتە 11987 جار خوێندراوەتەوە