پەیامی کورد   ...  مۆقتەدا سەدر: تورکیا دەزانێ ووڵامی هێرشەکانی نادرێتەوە، لەبەر ئەوەیە وا بێ شەرمە! 

مۆقته‌دا سه‌در، رێبه‌ری ره‌وتی سه‌در، له‌ په‌یامێكدا ئیدانه‌ی تۆپبارانی زاخۆی كرد و رایگه‌یاند، توركیا بێشه‌رمی گه‌یشتووەتە ئاستێك كه‌ پێی وایه‌ عێراق ناتوانێت ووڵامی بداته‌وه‌. 

هه‌روه‌ها نووسیویه‌تی: وه‌ك هه‌نگاوی یه‌كه‌م پێشنیاز ده‌كه‌م له‌ رێی ئه‌م خاڵانه‌وه‌ یان هه‌ندێكیان ووڵامی توركیا بدرێته‌وه‌:

یه‌كه‌م: ئاستی نوێنه‌رایه‌تی دیپلۆماتی توركیا كه‌مبكرێته‌وه‌.

دووه‌م: سه‌رجه‌م ده‌روازه‌ وشكانییه‌كان و فڕۆكه‌خانه‌كان له‌گه‌ڵ توركیا دابخرێن.

سێیه‌م: سكاڵا له‌ نه‌ته‌وه‌یه‌كگرتووه‌كان دژی توركیا تۆمار بكرێت و په‌له‌ی لێ بكرێت.

چواره‌م: رێككه‌وتنی ئه‌منی له‌گه‌ڵ توركیا هه‌ڵبوه‌شێندرێته‌وه‌.

سه‌در ئاماژه‌ی به‌وه‌شداوه‌، بۆردومانكردنی پارێزگاكانی باكوور و هه‌رێم له‌ ناوه‌وه‌ و ده‌ره‌وه‌ چیدیكه‌ ته‌حه‌ممول ناكرێت.