پەیامی کورد       ...   مەسروور بارزانی: حکوومەتی ھەرێم پابەندبوونی خۆی بە خزمەتکردنی زیاتری کەسوکاری شەھیدان دووپات دەکاتەوە

مه‌سروور بارزانی سه‌رۆكی حكوومه‌تی هه‌رێمی كوردستان، لەیادی ٣٤ ساڵەی کیمیاباران کردنی بالیسان و شێخ وەسان و دۆڵی خۆشناوەتی په‌یامێكی بڵاوكرده‌وه‌، ئه‌مه‌ ده‌قه‌كه‌یه‌تی:

ئه‌مڕۆ بە ڕێز و شکۆوە یادی شه‌هیدانی کیمیابارانکردنی بالیسان و شێخ وەسانان و دۆڵی خۆشناوەتی ده‌كه‌ینه‌وه‌. کە ٣٤ ساڵ لەمەوبەر لە لایەن ڕژێمی بەعسەوە، کۆمەڵکوژ کران. حکوومەتی ھەرێم پابەندبوونی خۆی بە خزمەتکردنی زیاتری کەس وکاری شەھیدان دووپات دەکاتەوە .

شایه‌نی باسه‌ ئێواره‌ی ڕۆژی `١٦ی نیسانی ١٩٨٧، ڕژێمی به‌عس به‌ ڕقێكی زۆره‌وه‌ هێرشی كرده‌ سه‌ری و شێخ وه‌سانان، بالیسان و كانی به‌ردێی كیمیاباران كرد و ژماره‌یه‌كی زۆر خه‌ڵكی خۆشه‌ویستی ئه‌و ناوچه‌یه‌ شه‌هید و برینداربوون.

ئەم بابەتە 11988 جار خوێندراوەتەوە