مەسروور بارزانی سه‌رۆكی حکوومەت پێشوازى له كونسوولى گشتی نوێى به‌ریتانیا کرد
پەیامی کورد ... مەسروور بارزانی سه‌رۆكی حکوومەت پێشوازى له كونسوولى گشتی نوێى به‌ریتانیا کرد
ئه‌مڕۆ سێشەممە 2/6، مەسروور بارزانى، سه‌رۆكى حکوومەتی هه‌رێمى كوردستان، پێشوازى له جەیمس گۆڵدمان، كونسووڵى گشتی نوێى به‌ریتانیا له هه‌رێمى كوردستان كرد. سه‌رۆكی حکوومەت پیرۆزبایى دەستبەکاربوونی لە کونسوولی گشتی کرد و هیواى سه‌ركه‌وتنى بۆ خواست و پشتیوانی حکوومەتی هەرێمی کوردستانی دەربڕی لەپێناو پەرەپێدانی زیاتری پەیوەندی دوولایەنە.
كونسووڵى گشتی به‌ریتانیا، سوپاسی هاریکاری و هاوئاهەنگی دامەزراوەکانی حکوومەتی هەرێمی کوردستانی کرد و ئامادەیی ووڵاتەکەی بۆ بەهێزترکردنی پەیوەندی لەگەڵ هەرێمی کوردستان دووپات کردەوە.
لە بەشێکی دیکەی دیدارەکەدا، دوایین گۆڕانکاری و پێشهاتەکانی عێراق و ناوچەكه و گرینگی دابینکردن و پاراستنی مافە دەستوورییەکانی هەرێمی کوردستان تاوتوێ کرا.
ئەم بابەتە 12001 جار خوێندراوەتەوە