مەسروور بارزانی سەرۆكی حكوومەتی هەرێم و باڵیۆزی ئوسترالیا كۆبوونەوە

پەیامی کورد     ...    مەسروور بارزانی سەرۆكی حكوومەتی هەرێم و باڵیۆزی ئوسترالیا كۆبوونەوە

سەرۆكی حكوومەتی هەرێمی كوردستان و باڵیۆزی ئوسترالیا لە عێراق، لە دیدارێكدا بارودۆخی عێراق بە گشتی و برەودان بە پەیوەندییەكانی نێوان هەرێمی كوردستان و ئوسترالیایان تاووتوێ كرد.

ئەمڕۆ سێشەممە 29ی حوزەیرانی 2021، مەسروور بارزانی، سەرۆكی حكوومەتی هەرێمی كوردستان، پێشوازی لە (پاولا گانلی) باڵیۆزی ئوسترالیا لە عێراق كرد.

لە كۆبوونەوەكەدا، بارودۆخی عێراق بە گشتی و برەودان بە پەیوەندییەكانی نێوان هەرێمی كوردستان و ئوسترالیا تاووتوێ كرا و جەخت لە گرینگی گەشەپێدانی وەبەرهێنانی ئوسترالی لە هەرێم و یارمەتیدانی بەرنامەی چاكسازی حكوومەتی هەرێمی كوردستان لە بواری هەمەجۆركردنی سەرچاوەكانی داهات، كرایەوە.

بارودۆخی كەمپەكانی ئاوارە و پەنابەران لە هەرێمی كوردستان و زەمینەخۆشكردن بۆ گەڕانەوەی ئارەزوومەندانەیان بۆ ناوچەكانیان، تەوەرێكی دیكەی گفتوگۆكانی كۆبوونەوەكە بوو.


ئەم بابەتە 11989 جار خوێندراوەتەوە