مەسروور بارزانی سەرۆکوەزیرانی حکوومەتی هەرێمی پەیامێکی پیرۆزبایی بڵاو کردەوە
پەیامی کورد ... مەسروور بارزانی سەرۆکوەزیرانی حکوومەتی هەرێمی پەیامێکی پیرۆزبایی بڵاو کردەوە
سه‌رۆكوه‌زیران مه‌سروور بارزانی به‌بۆنه‌ی جەژنی لەدایکبوونی حەزرەتی مەسیح په‌یامێكی پیرۆزبایی بڵاوكرده‌وه، له به‌شێكیدا هاتووه : لەم بۆنە پیرۆزەدا، پابەندبوونی هەرێمی کوردستان بە پەرەپێدانی کولتووری بەیەکەوەژیانی ئاشتییانە و پاراستنی مافی گشت پێکهاتەکان دووپات دەکەینەوە.
ده‌قی په‌یامه‌كه‌ی مه‌سروور بارزانی :
بە بۆنەی جەژنی لەدایکبوونی حەزرەتی مەسیح (دروودی خوای لەسەر بێت)، گەرمترین پیرۆزبایی ئاراستەی سەرجەم کریستیانانی کوردستان و عێراق و جیهان دەکەم. هیوادارم لە خۆشی و شادی و ئارامیدا، ڕۆژانی جەژن و پشوو بەسەر ببەن.
لەم بۆنە پیرۆزەدا، پابەندبوونی هەرێمی کوردستان بە پەرەپێدانی کولتووری بەیەکەوەژیانی ئاشتییانە و پاراستنی مافی گشت پێکهاتەکان دووپات دەکەینەوە.
جەژنتان پیرۆز بێت و هەمیشە لە شادیدا بژین.
مەسروور بارزانی
سەرۆکی حکوومەتی هەرێمی کوردستان
ئەم بابەتە 12009 جار خوێندراوەتەوە