پەیامی کورد     ...  مەسروور بارزانی  سەرۆکی حکوومەتی هەرێمی کوردستان پێشوازی لە کونسوڵی گشتی نوێی ئەمریکا لە ھەولێر دەکات

ئەمڕۆ یەکشەممە 11ی تەمموزی 2021 مەسروور بارزانی سەرۆکی حکوومەتی هەرێمی کوردستان، پێشوازی لە رۆبەرت پالادینۆ کونسوڵی گشتی نوێی ئەمریکا لە هەولێر کرد.

لە دیدارەکەدا کە ڕۆب واڵەر کونسوڵی گشتی پێشووی ئەمریکا ئامادەی بوو، سەرۆکی حکوومەت پیرۆزبایی دەستبەرکابوونی لە کونسوڵی گشتیی نوێی ئەمەریکا کرد و ئامادەیی حکوومەتی هەرێمی کوردستانیشی بۆ هەر هاوکاری و هەماهەنگییەکی پێویست دەربڕی، هەروەها سوپاسی کونسولی گشتی پێشووی کرد و هیوای سەرکەوتنی بۆ خواست لە ئەرکی تازەیدا.

کونسوڵی گشتی نوێی ئەمریکا لە هەولێر، جەختی لەوە کردەوە کە هەرێمی کوردستان، هاوپەیمانێکی ستراتیژی ئەمریکایە لە ناوچەکەدا و  ووڵاتەکەی بەردەوام دەبێت لە پشتگیریکردنی هەرێمی کوردستان،  بەتایبەتی هێزی پێشمەرگە. ووتیشی کاردەکەین بۆ پەرەپێدانی زیاتری وەبەرهێنانی ئەمەریکی لە هەرێمی کوردستان. 

پەیوەندییەکانی هەرێمی کوردستان و حکوومەتی فیدرالی و هەڵبژاردنەکانی داهاتووی ئەنجومەنی نوێنەرانی عێراق و دایەلۆگی ستراتیجی ئەمەریکا و عێراق و گرنگیی بەشداری کارای هەرێمی کوردستان لەو دایەلۆگەدا ، چەند تەوەرێکی دیدارەکە بوون.

ئەم بابەتە 11990 جار خوێندراوەتەوە