پەیامی کورد   ...   مەسروور بارزانی پێشوازی لە سەرۆکی ئەنجوومەنی نوێنەرانی شانشینی ئوردن کرد

لەمیانی دیداریدا لەگەڵ سەرۆکوەزیرانی ھەرێمی کوردستان، سەرۆکی ئەنجوومەنی نوێنەرانی ئوردن،  خۆشحاڵی خۆی بە سەردانی هەرێمی کوردستان و پێشکەوتن و ئاوەدانی هەرێم دەربڕی و ئاماژەی بە پەیوەندی بەهێز و دۆستانەی نێوان هەرێمی کوردستان و ئوردن کرد.

مەسروور بارزانی سەرۆکوەزیرانی ھەرێمی کوردستان، لە تۆڕی کۆمەڵایەتی فەسبووک رایگەیاند، کە پێشوازی لە سەرۆکی ئەنجوومەنی نوێنەرانی ئوردن کردووە و ئەمەش دەقەکەیەتی:

سەرۆکی ئەنجوومەنی نوێنەرانی ئوردن خۆشحاڵی خۆی بە سەردانی هەرێمی کوردستان و پێشکەوتن و ئاوەدانی هەرێم دەربڕی و ئاماژەی بە پەیوەندی بەهێز و دۆستانەی نێوان هەرێمی کوردستان و ئوردن کرد و ئامادەیی ووڵاتەکەی بۆ پێش خستنی زیاتری پەیوەندی دوولایەنە لە بوارە جۆراوجۆرەکاندا نیشاندا.

جەختمان لە گرینگی پەرەپێدانی پەیوەندی دۆستانە و لەمێژینەی نێوان هەردوولا کردەوە و سوپاس و پێزانینی هەرێمی کوردستانمان بۆ پشتیوانی بەردەوامی شانشینی ئوردن و شا عەبدۆڵلای دووەم دووپات کردەوە . 

چاکسازییەکانی حکوومەتی هەرێمی کوردستان لە بوارەکانی وزە و دارایی و بەدیجیتاڵکردنی خزمەتگوزارییە گشتییەکان ،هەروەها دۆخی گشتی ناوچەکە و پێویستی پاراستنی ئاسایش و سەقامگیرییەکەی، بەشێکی دیکەی گفتوگۆکانمان بوو.