پەیامی کورد      ...    مەهدی ئامرلی  : ئەمریکا بە نیاز نییە عێراق بە جێ بهێڵێت .

یەکێک لە ئەندامانی کۆمیسیۆنی ئەمنییەت و بەرگری لە پەرلەمانی عێراق ئەمڕۆ هەینی ڕایگەیاند کە ئەمریکا بە نیاز نییە کە هێزەکانی لە عێراق بباتە دەرەوە و بەغداش فشاری لەمبارەیەوە بۆسەر واشینتۆن لە ڕاستای جیبەجێ کردنی یاسای پەسەند کراوی پەرلەمانی عێراق بەکار نەهێناوە  و بە کاری ناهێنێت .

بە پێی ڕاپۆرتێک مەهدی ئامرلی ئەندامی  : کۆمیسیۆنی ئەمنییەت و بەرگری لە پەرلەمانی عێراق ئەمڕۆ هەینی ڕایگەیاند : ئەمریکا بە نیاز نییە هێزەکانی لە عێراق بباتە دەرەوە و هەڵوێستی دەوڵەت لە بواری جێبەجێ کردنی یاسای پەسەند کراوی پەرلەمان دەربارەی دەرچوونی هێزگەلی بیانی جێگای شەرمە .

ئەو هەروەها دەڵێ : ئەمریکا ، عێراق وەکوو شوێنێک بۆ گێرەوکێشەکانی خۆی لەگەڵ هەندیک لە دوژمنانی خۆی تەماشا دەکات و لە لایەکی دیکەشەوە بە دوای پاراستنی دەستکەوت و بەرژەوەندییەکانی خۆی لە عێراق ە و ئەمە دەبێتە هۆکار کە بژاردەی دەرچوون لە عێراق بۆیان دژوارتر و قورستر بێت .

ئامرلی هەروەها جەخت دەکاتەوە : دەوڵەتی عێراق ئیرادەی ڕاستەقینە بۆ فشار خستنە سەر واشینتۆن بە مەبەستی جێبەجێ کردنی پاسا پەسەندکراوەکەی پەرلەمان کە دەبێ جێبەجێ بکرێت و لە سەر دەرچوونی هێزە بیانییەکان جەخت دەکاتەوە ، نییە .

ئەم بابەتە 11989 جار خوێندراوەتەوە