مەکتەبی سیاسی یەکیتی لە ڕاگەیندراوێکدا ناوەڕۆکی کۆبوونەوەکەی ئەمڕۆی حێزبەکەی ڕادەگەینێت
پەیامی کورد ... مەکتەبی سیاسی یەکیتی لە ڕاگەیندراوێکدا ناوەڕۆکی کۆبوونەوەکەی ئەمڕۆی حێزبەکەی ڕادەگەینێت
مەکتەبی سیاسی یەکێتی نیشتمانی کوردستان ئەمڕۆ بە سەرپەرشتی بافڵ تاڵەبانی لە سلێمانی کۆبوەوە، بەپێی ڕاگەێندراوی کۆبوونەوەکە، گفتوگۆ لەسەر چارەسەری بەپەلە و یەکێتییانەی گرفتە ناوخۆییە حزبییەکان و دیاریکردنی رێوشوێنی درووست بۆیان لەناویشیاندا پاراستنی ئارامی و ھێمنی ھەرێمی کوردستان بە شاری سلێمانیشەوە کرا.
بەپێی ڕاگەێندراوی کۆبوونەوەکە رایگەێندراوە ، لە کۆبوونەوەی ئەمڕۆی مەکتەبی سیاسیدا چەند تەوەرێکی بواری حزبی و هەڵبژاردنەکان تاوتوێکران، "کۆبوونەوەکە وێڕای گفتوگۆ لەسەر چارەسەری بەپەلە و یەکێتییانەی گرفتە ناوخۆییە حزبییەکان و دیاریکردنی رێوشوێنی درووست بۆیان کرا لەناویشیاندا پاراستنی ئارامی و ھێمنی ھەرێمی کوردستان بە شاری سلێمانیشەوە".
ئاماژە بەوەشکراوە، "تەئکید لەسەر بەگەڕخستنی توانای ماددی و مەعنەوی مەکتەب و دەزگاکانی یەکێتی کرایەوە بەرەو هەڵمەتێکی پڕ جۆش و خرۆشی پێکەوەیی و دیموکراتییانە بۆ سەرخستنی لیستی هاوپەیمانی کوردستان کە لیستی هاوبەشی بزووتنەوەی گۆڕان و یەکێتییە لە هەڵبژاردنی داهاتووی ئەنجوومەنی نوێنەرانی عێراقدا".
لە ڕاگەێندراوەکەدا ئەوەش هاتوە، "مەکتەبی سیاسی گشت مەکتەب و مەڵبەندەکان و ئۆرگانەکانی یەکێتی راسپارد کە هاوشانی ئۆرگانەکانی بزووتنەوەی گۆڕان ی هاوپەیمان پەیوەستی میحوەر و بازنەکانی هەڵبژاردن بن، کە ئەرکی هەرە لە پێشینەیانە بۆ سەرخستنی کاندیدەکانی هاوپەیمانی کوردستان لە هەموو بازنەکانی هەڵبژاردندا، چوونکە سەرکەوتنی هاوپەیمانی کوردستان ئاسۆیەکی روون و نوێ لەبەردەم گەلی کوردستان دەکاتەوە بۆ پەرەپێدانی خەباتی پەرلەمانی و دیموکراتی و لەپێناو چارەسەرکردنی کێشەکانی هەرێمی کوردستان و حکوومەتی فیدڕاڵ بە کێشەی ناوچە جێ ناکۆکەکانەوە کە هەر بە بژاردەی گفتوگۆ و رێوشوێنی سیاسی دەگەیندرێتە ئەنجام".
ئەم بابەتە 11990 جار خوێندراوەتەوە