پەیامی کورد     ...    نرخی نەوت بە شێوەیەکی بەرچاو داڕما

بە گوێرەی هەواڵی ئاژانسەكانی ئابووری لە جیهان بڵاویان كردەوە ئەمڕۆ هەینی ١٦ی ٠٧ی ٢٠٢١ ماوەی دوو ڕۆژە نرخی نەوتی خاو لەبازاڕەکانی جیهاندا بۆ نزمترین ئاست لەماوەی دوو مانگی رابردوودا دابەزیوە، لەژێر کاریگەریی بڕیارەکانی رێکخراوی ئۆپێک ئەمڕۆ نرخی نەوت زیاتر لەسێ دۆلاری بۆ هەر بەرمیلێک لەدەستدا، بەجۆرێک بەرمیلێک نەوتی برێنت بە ٦٩.٧٩ دۆلار و نەوتی تەکساسی ئەمریکاش بە ٦٧.٦٧ دۆلار مامەڵەی پێوەکرا.

بەگوێرەی ئاژانسی رۆیتەرز، ئەمڕۆ دووشەممە لەبازاڕەکانی جیهاندا، نرخی هەر بەرمیلێک نەوتی خاوی برێنت ٣.٤٤ دۆلار دابەزی کە ڕێژەی ٤.٦٧%ی نرخەکەیەتی و بەوەش گەیشتە ٦٩.٧٩ دۆلار فرۆشرا.

هەروەها، نرخی نەوتی تەکساسی ئەمریکا ٣.٦٥ دۆلار دابەزی کە ڕێژەی ٥.٠٨%ی نرخەکەیەتی و بەوەش گەیشتە ٦٧.٦٧ دۆلار.

لەبارەی هۆکارەکانی دابەزینی نرخی نەوت لەماوەی یەک دوو رۆژی رابردودا، رۆیتەرز نووسیویەتی، رێکخراوی ئۆپێک بڕیاری زیادکردنی هەناردەکردنی نەوتی بۆ بازاڕەکانی جیهان داوە و ئەوەش کاریگەری لەسەر کەمبوونەوەی نرخەکەی هەبوە.
بەهۆی کەمبوونەوەی ژمارەی بەرچاوی تووشبوون بەکۆرۆنا لەچەند ووڵاتێک و هەنگاونان بەرەو بووژاندنەوەی ئابووری، خواست لەسەر نەوت زیادیکردوە، ئۆپێکیش بۆ پڕکردنەوەی پێویستییەکان بەنیازە بڕیاری زیادکردنی هەناردەکردن بدات.
دوێنێ یەکشەممە رێکخراوی ووڵاتانی هەناردەکاری نەوت (ئۆپێک پڵەس) رەزامەندییان لەسەر بەرزکردنەوەی ئاستی بەرهەمهێنانی نەوت دەربڕی بۆ مانگی ئابی داهاتو  و چەند بڕیارێکی نوێشیان دەرکرد.
بەگوێرەی زانیارییەکان، جگەلەوە، ئەندامانی رێکخراوەکە رەزامەندی ئیماراتی بەدەستهێناوە بۆ بەرزکردنەوەی بەرهەم بۆ ٣.٥ ملیۆن بەرمیل نەوتی رۆژانە.

ئەم بابەتە 11991 جار خوێندراوەتەوە