نرخی نەوت لە بازاڕەکانی جیهان
پەیامی کورد ... نرخی نەوت لە بازاڕەکانی جیهاندا
بە گوێرەی هەواڵی ئاژانسەكانی ئابووری لە جیهان بڵاویان كردەوە ئەمڕۆ هەینی ١٦ی ٠٧ی ٢٠٢١ نرخی نەوتی خاو لەبازاڕەکانی جیهاندا بۆ نزمترین ئاست لەماوەی دوو مانگی رابردوودا دابەزی، بەجۆرێک نرخی هەر بەرمیلێک نەوتی برێنت بوبە ٧٣.١٩ دۆلار و نەوتی تەکساسی ئەمریکاش بە ٧١.٣٩ دۆلار مامەڵەی پێوەکرا.
بەگوێرەی ئاژانسی هەواڵی رۆیتەرز، ئەمڕۆ هەینی لەبازاڕەکانی جیهاندا، نرخی هەر بەرمیلێک نەوتی خاوی برێنت ٠.٢٧ دۆلار دابەزی کە ڕێژەی ٠.٣٧%ی نرخەکەیەتی و بە ٧٣.١٩ دۆلار فرۆشرا.
هەروەها، نرخی نەوتی تەکساسی ئەمریکا ٠.٢٧ دۆلار دابەزی کە ڕێژەی ٠.٣٧%ی نرخەکەیەتی و بەوەش گەیشتە ٧١.٣٨ دۆلار.
لەبارەی هۆکارەکانی دابەزینی نرخی نەوت، رۆیتەرز نوسیویەتی، رێکخراوی ئۆپێک نزیکبوەتەوە لەبڕیاری زیادکردنی هەناردەکردنی نەوت بۆ بازاڕەکانی جیهان و ئەوەش کاریگەری لەسەر کەمبوونەوەی نرخەکەی هەبووە.
بەهۆی کەمبوونەوەی ژمارەی بەرچاوی تووشبوون بەکۆرۆنا لەچەند ووڵاتێک و هەنگاونان بەرەو بووژاندنەوەی ئابووری، خواست لەسەر نەوت زیادیکردوە، ئۆپێکیش بۆ پڕکردنەوەی پێویستییەکان بەنیازە بڕیاری زیادکردنی هەناردەکردن بدات.
ئەم بابەتە 11992 جار خوێندراوەتەوە