پەیامی کورد     ...    نرخی نەوت لە بازاڕەکانی جیهان

بە گوێرەی هەواڵی ئاژانسەكانی ئابووری لە جیهان بڵاویان كردەوە ئەمڕۆ یەکشەممە ٨ی ٠٨ی ٢٠٢١ بەهۆی زیادکردنی خستنەڕووی نەوت لەبازارەکانی جیهاندا، بەهای نەوت کەمێک دابەزینی بەخۆوە بینی و هەر بەرمیلێک نەوتی برێنت بە ٧٠.٧٠ دۆلار و نەوتی تەکساسی ئەمریکاش بە ٦٨.٢٨ دۆلار مامەڵەی پێوەکرا.

بەگوێرەی ئاژانسی رۆیتەرز، ئەمڕۆ یەکشەممە لەبازاڕەکانی جیهاندا، نرخی هەر بەرمیلێک نەوتی خاوی برێنت ٠.٥٩ دۆلار دابەزی کە ڕێژەی ٠.٨٣%ی نرخەکەیەتی و بەوەش بو بە ٧٠.٧٠ دۆلار.

هەروەها، نرخی نەوتی تەکساسی ئەمریکا ٠.٨١ دۆلار دابەزی کە ڕێژەی ١.١٧%ی نرخەکەیەتی و بەوەش هەر بەرمیلێک بە ٦٨.٢٨ دۆلار مامەڵەی پێوەکرا.
لەبارەی هۆکارەکانی دابەزینی نرخی نەوت، ئاژانسی رۆیتەرز بڵاویکردوەتەوە کە ئۆپێک بڕیاری زیادکردنی هەناردەکردنی داوە و ئەوەش کاریگەری لەسەر نرخەکەی هەبوە.
بەگوێرەی زانیارییەکان هۆکاری بڕیارەکەی ئۆپێک بۆ ئەوە دەگەڕێتەوە کە پێشبینی دەکەن لەمانگی ئابەوە تا کۆتایی ئەمساڵ بەهۆی بوژاندنەوەی ئابوری جیهانەوە کورتهێنان هەبێت لەدابینکردنی نەوت، بۆئەوەش پێشنیاری زیادکردنی هەناردەی نەوتیان کردوە.

ئەم بابەتە 12001 جار خوێندراوەتەوە