پەیامی کورد     ...  نوێنەرانی کۆنگرێسی ئەمریکا داوای بەدواداچوون بۆ پێشێلکارییە مرۆییەکانی سەرۆککۆمارە نوێیەکەی ئێران دەکەن

 گرووپێک لە نوێنەرانی کۆنگرێسی ئەمریکا بە ناردنی نامەیەک بۆ سەرکۆماری ئامریکا، داوایان کردووە کە کۆمیتەیەک بۆ دۆزینەوەی ڕاستییەکان سەبارەت بە حاڵەتەکانی پێشێلکردنی مافی مرۆڤ کە "ئیبراهیم ڕەئیسی" ئەنجامی داون، پێک بێت.

لە بەشێک لەو نامەیەدا هاتووە کە "ئیبراهیم ڕەئیسی" خوێنمژێکی بەدناوە کە لە بەرانبەر دژبەرانی سیاسی و ڕۆژنامەنووسان و هەر کەسێکی دیکە کە بوێریی دژبەرایەتی ئەوی بووە، بە تووندترین شێوە مافی مرۆڤی لە بەرامبەریان دا پێشێل کردووە.

"ستیڤ کۆهن" نوێنەری دێموکرات و "تام مەک کلینتاک" نوێنەری کۆماریخواز کە بەڕێوبەرانی گرووپی پەرلمانی مافی مرۆڤ و دێموکراسی لە ئێران لە کۆنگرەی ئەمریکان، ئەو نامەیەیان واژوو کردووە.

"تام مەک کلینتاک" ئەندامی کۆنگرێسی ئەمریکا بە ناردنی ئەو نامەیە بۆ "جۆ بایدێن" سەرکۆماری ئەمریکا خوازیاری بەدواداچوونی نێودەوڵەتی سەبارەت بە ڕۆڵگێڕانی "ئیبراهیم ڕەئیسی" سەرکۆماری ئێستای ڕێژیمی ئێران کە بە جەللادی ٦٧ ناسراوە لە تاوانەکانی دژ بە مرۆڤایەتی لە ئێراندا بووە.

ئەم بابەتە 11987 جار خوێندراوەتەوە