نێچیرڤان بارزانى سه‌رۆكى هه‌رێمى كوردستان، پێشوازى له باڵیۆزى پاكستان له عیراق كرد
پەیامی کورد ... نێچیرڤان بارزانى سه‌رۆكى هه‌رێمى كوردستان، پێشوازى له باڵیۆزى پاكستان له عیراق كرد
پاشنیوه‌ڕۆى ئه‌مڕۆ پێنجشه‌ممه 2022/1/20 نێچیرڤان بارزانى، سه‌رۆكى هه‌رێمى كوردستان، پێشوازى له ئه‌حمه‌د ئه‌مجه‌د عه‌لى، باڵیۆزى پاكستان له عیراق كرد.
له دیدارێكدا خواستى هاوبه‌ش بۆ بره‌ودان به په‌یوه‌ندییه‌كانى عیراق و هه‌رێمى كوردستان له‌گه‌ڵ پاكستان به‌تایبه‌تى له بوارى بازرگانى، په‌روه‌رده‌یى و زانكۆییدا، ده‌رفه‌تى كار و سه‌رمایه‌گوزارى بۆ وه‌به‌رهێنه‌رانى پاكستانى له عیراق و هه‌رێمى كوردستان، دۆخى ڕه‌وه‌ند و ده‌ستى كارى پاكستانى له عیراق و هه‌رێمى كوردستان كه له زۆر بوارى جیادا كار ده‌كه‌ن، تاوتوێ كران.
باڵیۆزى پاكستان دووپاتى كرده‌وه كه ووڵاته‌كه‌ى به بایه‌خه‌وه له په‌یوه‌ندییه‌كانى له‌گه‌ڵ عیراق و هه‌رێمى كوردستان ده‌ڕوانێت و بوارێكى باشى هاوكارى و چالاكی بازرگانى له‌گه‌ڵ هه‌رێمى كوردستاندا هه‌یه، بۆ ئه‌م مه‌به‌سته‌ش نیازى وڵاته‌كه‌ى به كردنه‌وه‌ى كونسوولخانه‌یه‌ك له هه‌ولێر نیشان دا و باسى له ده‌رفه‌تى هه‌بوونى گه‌شتی ڕاسته‌وخۆى ئاسمانى له‌نێوان پاكستان و هه‌رێمى كوردستاندا كرد.
لاى خۆیه‌وه سه‌رۆكى هه‌رێمى كوردستان، ئاماده‌یى و خواستى هه‌رێمى كوردستانى بۆ بره‌ودانى زیاتر به په‌یوه‌ندییه‌كان دووپات كرده‌وه و ئاماژه‌ى به ده‌رفه‌تى سه‌رمایه‌گوزارى و وه‌به‌رهێنانی پاكستانى له هه‌رێمى كوردستان كرد.
ئەم بابەتە 11990 جار خوێندراوەتەوە