نێچیرڤان بارزانى سەرۆکی هەرێمی کوردستان له‌گه‌ڵ ئیبراهیم ڕه‌ئیسى كۆبووه‌وه
پەیامی کورد ... نێچیرڤان بارزانى سەرۆکی هەرێمی کوردستان له‌گه‌ڵ ئیبراهیم ڕه‌ئیسى كۆبووه‌وه
له دووه‌م ڕۆژى سه‌ردانەکەیدا بۆ تاران، سەر لەبه‌یانی ئه‌مڕۆ هه‌ینى 2021/8/6 نێچیرڤان بارزانى، سه‌رۆكى هه‌رێمى كوردستان له‌گه‌ڵ ئیبراهیم ڕه‌ئیسى، سه‌رۆكى كۆمارى ئیسلامی ئێران كۆبووه‌وه.
له كۆبوونه‌وه‌كه‌دا كه ڕێواز فایه‌ق سه‌رۆكى په‌رله‌مانى كوردستان و شاندى یاوه‌رى به‌ڕێز سه‌رۆكى هه‌رێمى كوردستان ئاماده بوون، په‌یوه‌ندییه‌‌كانى هه‌رێمى كوردستان و عیراق له‌گه‌ڵ كۆمارى ئیسلامی ئێران، دۆخى عیراق و هه‌رێمى كوردستان و ئێران، ئارامى و سه‌قامگیرى و بواره‌كانى هاریكاری هاوبه‌ش، تاوتوێ كران.
هه‌ردوولا ئاماژه‌یان به په‌یوه‌ندییه مێژوویییه‌كانى هه‌رێمى كوردستان و كۆمارى ئیسلامی ئێران كرد و جه‌ختیان له‌سه‌ر پته‌وكردنى بواره‌كانى په‌یوندی هه‌رێمى كوردستان و عیراق له‌گه‌ڵ كۆمارى ئیسلامى كرده‌وه به‌تایبه‌تى بره‌ودان به بوارى ئاڵوگۆڕى بارزگانى و پاراستنى ئارامى و سه‌قامگیری سنووره‌كان و ناوچه‌كه به‌گشتى.
دوایین پێهشات و په‌ره‌‌سه‌ندنه‌كانى ناوچه‌كه و چه‌ند ته‌وه‌رێكى دیكه‌ى جێى بایه‌خى هاوبه‌ش، به‌شێكى دیكه‌ى كۆبوونه‌وه‌كه بوون.
ئەم بابەتە 11988 جار خوێندراوەتەوە