نێچیرڤان بارزانى سەرۆکی هەرێمی کوردستان له‌گه‌ڵ باڵیۆزى فینله‌ندا كۆبووه‌وه
پەیامی کورد ... نێچیرڤان بارزانى سەرۆکی هەرێمی کوردستان له‌گه‌ڵ باڵیۆزى فینله‌ندا كۆبووه‌وه
ئێواره‌ى ئه‌مڕۆ یه‌كشه‌ممه 2024/2/4 نێچیرڤان بارزانى، سه‌رۆكى هه‌رێمى كوردستان، پێشوازى له خاتوو ئانو سارێلا باڵیۆزى فینله‌ندا له عێراق كرد.
له كۆبوونه‌وه‌یه‌كدا هه‌ردوولا جه‌ختیان له خواستى دوولایه‌نه بۆ بره‌ودان به په‌یوه‌ندییه‌كان و فراوانكردنى هاریكاری هاوبه‌شى فینله‌ندا له‌گه‌ڵ عێراق و هه‌رێمى كوردستان له بواره جیاكاندا كرده‌وه، هه‌روه‌ها ده‌رباره‌ى دۆخى سیاسى و ئه‌منی عێراق و گرینگی پاراستنى ئارامى و سه‌قامگیری ووڵات، بیروڕایان گۆڕییه‌وه.
سه‌رۆك نێچیرڤان بارزانى، سوپاس و پێزانینى هه‌رێمى كوردستانى بۆ به‌شداری فینله‌ندا له هاوپه‌یمانی نێوده‌وڵه‌تی دژى داعش ده‌ربڕى و ستایشى پشتگیری فینله‌نداى له عێراق و هه‌رێمى كوردستان كرد بۆ به‌ره‌نگاربوونه‌وه‌ى تیرۆر، هه‌روه‌ها ئاماژه‌ى به ڕۆڵى هێزه‌كانى فینله‌ندا كرد كه هێشتا له هه‌رێمى كوردستان، له ئه‌ركدان.
كاریگه‌رى و لێكه‌وته‌كانى شه‌ڕ له ئۆكراین و دوایین پێشهاته‌كانى دۆخى ئاڵۆزى ڕۆژهه‌ڵاتى ناوه‌ڕاست و شه‌ڕ له غه‌ززه و چه‌ند پرسێكى دیكه‌ى جێى بایه‌خى هاوبه‌ش، ته‌وه‌رێكى دیكه‌ى كۆبوونه‌وه‌كه بوو.
ئەم بابەتە 12008 جار خوێندراوەتەوە