پەیامی کورد   ...   نێچیرڤان بارزانى پیرۆزبایى له‌ هومام حه‌مموودى کرد

نێچیرڤان بارزانی سەرۆکی ھەرێمی کوردستان، پەیامێکی پیرۆزبایی ئاراستەی د. هومام حەمموودی کرد ئەمەش دەقەکەیەتی:

بە بۆنەی دووبارە هەڵبژاردنه‌وه‌ى به‌ سەرۆکی ئەنجوومەنی باڵای ئیسلامی عێراق، گەرمترین پیرۆزبایی پێشکەش بە شێخ د. هومام حەمموودی دەکەم، هیوای سەرکەوتنى بۆ ده‌خوازم.

نوێکردنەوەی متمانە بە بەڕێزیان، ڕەنگدانەوەی ئەزموون و ڕۆڵی بەرچاوی لە کاری سیاسی و خزمەتکردنی ووڵاتە کە مایه‌ى ڕێز و پێزانینه‌. دڵنیام سەرکردایەتی بەڕێزیان و بوونیان له‌و ئه‌ركه‌دا، یارمه‌تیده‌رى بەهێزکردنی دیالۆگ و لێكگەییشتنى نێوان هێز و لایه‌نه‌ نیشتمانییه‌كان ده‌بێت و خزمەت بە عێراق دەکات.

نێچیرڤان بارزانی

سەرۆکی هەرێمی کوردستان

13/4/2025