نێچیرڤان بارزانی سه‌رۆكى هه‌رێمى كوردستان و باڵیۆزى قه‌ته‌ر كۆبوونه‌وه
پەیامی کورد ... نێچیرڤان بارزانی سه‌رۆكى هه‌رێمى كوردستان و باڵیۆزى قه‌ته‌ر كۆبوونه‌وه
نیوه‌ڕۆى ئه‌مڕۆ سێشه‌ممه 2022/9/13 نێچیرڤان بارزانى، سه‌رۆكى هه‌رێمى كوردستان پێشوازى له خالد بن حه‌مه‌د ئه‌لسلێتى، باڵیۆزى قه‌ته‌ر له عێراق كرد.
له كۆبوونه‌وه‌یه‌كدا په‌یوندییه‌كانى عێراق و هه‌رێمى كوردستان له‌گه‌ڵ قه‌ته‌ر، دۆخى سیاسی عێراق و دوایین پێشهاته‌كانى، هه‌وڵه‌كانى كردنه‌وه‌ى كونسوولخانه‌ى گشتی قه‌ته‌ر له هه‌ولێر له داهاتوودا، ده‌رفه‌ته‌كانى وه‌به‌رهێنانى قه‌ته‌رى له هه‌رێمى كوردستان و ئاماده‌كارییه‌كانى قه‌ته‌ر بۆ مۆندیالى جیهانى 2022 تاوتوێ كران.
هه‌ردوولا جه‌ختیان له خواستى قه‌ته‌ر و هه‌رێمى كوردستان بۆ بره‌ودانى زیاتر به په‌یوه‌ندییه‌كان و هاویكاری هاوبه‌شى نێوانیان و ڕه‌خساندنى زه‌مینه‌ى له‌بار بۆ وه‌به‌رهێنانى قه‌ته‌رى له كه‌رت و بواره جیاكاندا له هه‌رێمى كوردستان و عێراق كرده‌وه، هه‌روه‌ها باسیان لە گرینگی گه‌شته‌كانى ڕاسته‌وخۆى هێڵى ئاسمانی قه‌ته‌رى بۆ عێراق و هه‌رێمى كوردستان كرد.
گرینگی ئارامى و سه‌قامگیری سیاسی عێراق بۆ ته‌واوى ناوچه‌كه، په‌یوه‌ندییه‌كانى عێراق و هه‌رێمى كوردستان له‌گه‌ڵ ووڵاتانى دراوسێ و ناوچه‌كه و چه‌ند پرسێكى دیكه‌ى جێى بایه‌خى هاوبه‌ش، ته‌وه‌رێكى دیكه‌ى كۆبوونه‌وه‌كه بوو.
ئەم بابەتە 11990 جار خوێندراوەتەوە