نێچیرڤان بارزانی سه‌رۆكى هه‌رێمى كوردستان و سه‌رۆكى ئه‌نجوومه‌نى شەوراى ئیسلامی ئیران كۆبوونه‌وه
پەیامی کورد ... نێچیرڤان بارزانی سه‌رۆكى هه‌رێمى كوردستان و سه‌رۆكى ئه‌نجوومه‌نى شەوراى ئیسلامی ئیران كۆبوونه‌وه
له به‌رده‌وامی سه‌ردانه‌كه‌یدا بۆ تاران، پێشنیوه‌ڕۆى ئه‌مڕۆ هه‌ینى 2021/8/6 نێچیرڤان بارزانى، سه‌رۆكى هه‌رێمى كوردستان له‌گه‌ڵ موحه‌مه‌د باقر قالیباف سه‌رۆكى ئه‌نجوومه‌نى شەوراى ئیسلامی ئیران كۆبووه‌وه.
كۆبوونه‌كه به ئاماده‌بوونى ڕێواز فایه‌ق سه‌رۆكى په‌رله‌مانى كوردستان به‌ڕێوه چوو و تیایدا بره‌ودان به بوار‌ه‌كانى په‌یوه‌ندی عیراق و هه‌رێمى كوردستان له‌گه‌ڵ كۆمارى ئیسلامی ئێران له‌سه‌ر بنه‌ماى دراوسێیه‌تی باش و به‌رژه‌وه‌ندی هاوبه‌ش و گرینگی پاراستنى ئاسایش و ئارامى تاوتوێ كران.
له كۆبوونه‌وه‌كه‌دا كه شاندى یاوه‌رى سه‌رۆك نێچیرڤان بارزانى و ژماره‌یه‌ك له به‌رپرسانى كۆمارى ئیسلامی ئێران یش ئاماده بوون، هه‌روه‌ها بیروڕایان ده‌رباره‌ى دۆخى ناوچه‌كه به‌گشتى و چه‌ند پرسێكى دیكه‌ى جێى بایه‌خى هه‌ردوولا، گۆڕییه‌وه.
ئەم بابەتە 11988 جار خوێندراوەتەوە