نێچیرڤان بارزانی سه‌رۆكى هه‌رێمى كوردستان پێشوازى له باڵیۆزى ئیسپانیا كرد
پەیامی کورد ... نێچیرڤان بارزانی سه‌رۆكى هه‌رێمى كوردستان پێشوازى له باڵیۆزى ئیسپانیا كرد
پاشنیوه‌ڕۆى ئه‌مڕۆ چوارشه‌ممه 2021/7/28 نێچیرڤان بارزانى، سه‌رۆكى هه‌رێمى كوردستان، پێشوازى له هانسى ئیسكۆبار، باڵیۆزى ئیسپانیا له عیراق كرد كه ئه‌ركه‌ى كۆتایى دێت.
له دیدارێكدا سه‌رۆكى هه‌رێمى كوردستان، ماڵئاوایى له باڵیۆزى ئیسپانیا كرد و هیواى سه‌ركه‌وتنى له ئه‌ركى تازه‌یدا بۆ خواست، هه‌روه‌ها سوپاس و پێزانینى بۆ هه‌وڵ و ڕۆڵیان له په‌ره‌پێدانى په‌یوه‌ندییه‌كانى ئیسپانیا له‌گه‌ڵ عیراق و هه‌رێمى كوردستان پێشكه‌ش كرد.
له به‌شێكى دیكه‌ى دیداره‌كه‌دا داهاتووى په‌یوه‌ندییه‌كانى هه‌رێمى كوردستان و عیراق له‌گه‌ڵ ئیسپانیا، ده‌رفه‌تی وه‌به‌رهێنان و سه‌رمایه‌گوزاری ئیسپانی له هه‌رێمی کوردستان، دۆخ و هه‌ڵبژاردنى پێشوه‌ختى عیراق، په‌ره‌سه‌ندنه‌كانى ناوچه‌كه و چه‌ند بابه‌تێكى مایه‌ى بایه‌خى هه‌ردوولا، تاوتوێ كران.
ئەم بابەتە 11989 جار خوێندراوەتەوە