نێچیرڤان بارزانی سه‌رۆكى هه‌رێمى كوردستان پێشوازى له باڵیۆزى به‌ریتانیا كرد
دووشه‌ممه 2023/10/9 نێچیرڤان بارزانى، سه‌رۆكى هه‌رێمى كوردستان، له دیدارێكدا له‌گه‌ڵ ستیڤن هیچن باڵیۆزى به‌ریتانیا له عێراق، ده‌رباره‌ى پته‌وكردنى په‌یوه‌ندییه‌كان و هاوكاری هاوبه‌شى به‌ریتانیا له‌گه‌ڵ عێراق و هه‌رێمى كوردستان و دۆخى سیاسی عێراق، بیروڕایان گۆڕییه‌وه.
له دیداره‌كه‌دا باسیان له په‌یوه‌ندى و كێشه‌كانى هه‌ولێر ـ به‌غدا و دۆخى ناوخۆى هه‌رێمى كوردستان و ئه‌و ئاڵنگارییانه كرد كه ڕووبه‌ڕوویان ده‌بێته‌وه. له‌مباره‌وه هه‌ردوولا جه‌ختیان له گرینگى و پێوستی ته‌بایى و یه‌كڕیزی لایه‌نه سیاسییه‌كانى هه‌رێمى كوردستان و یه‌ك ده‌نگى و یه‌ك هه‌ڵوێستییان له به‌غدا كرده‌وه.
په‌یوه‌ندییه‌كانى عێراق و هه‌رێمى كوردستان له‌گه‌ڵ ووڵاتانى دراوسێ و ناوچه‌كه، دۆخى سووریا و كه‌مپى ئه‌لهۆل و گرینگی پاراستنى سه‌قامگیرى، دوایین پێشهاته‌كانی ناوچه‌كه به‌گشتى و چه‌ند پرسێكى جیى بایه‌خى هاوبه‌ش، ته‌وه‌رێكى دیكه‌ى دیداره‌كه بوو.
ئەم بابەتە 11986 جار خوێندراوەتەوە