نێچیرڤان بارزانی سه‌رۆكى هه‌رێمى كوردستان پێشوازى له كونسووڵى گشتی كۆریاى باشوور كرد
پەیامی کورد ... نێچیرڤان بارزانی سه‌رۆكى هه‌رێمى كوردستان پێشوازى له كونسووڵى گشتی كۆریاى باشوور كرد
نیوه‌ڕۆى ئه‌مڕۆ دووشه‌ممه 2022/1/25 نێچیرڤان بارزانى، سه‌رۆكى هه‌رێمى كوردستان، پێشوازى له كونسوولى گشتی كۆریاى باشوور له هه‌ولێر كرد كه ئه‌ركه‌كه‌ى كۆتایى دێت.
له دیدارێكدا سه‌رۆك نێچیرڤان بارزانى وێڕاى ماڵ ئاوایى، سوپاسى كار و هه‌و‌ڵه‌كانى كرد بۆ بره‌ودان به په‌یوه‌ندییه‌كانى هه‌رێمى كوردستان له‌گه‌ڵ كۆریاى باشوور و هیواى سه‌ركه‌وتنى له ئه‌ركى تازه‌یدا بۆ خواست. هه‌روه‌ها ئاماژه‌ى به ڕۆڵى تیمى زه‌یتوونى سه‌ربازی كۆرىا و ئاژانسى كۆیكا و گه‌ل و حكوومه‌تى كۆریاى باشوورى كرد كه هاوكارییان پێشكه‌ش به هه‌رێمى كورستان كردووه.
لاى خۆیه‌وه كونسوولى گشتی كۆریاى باشوور، سوپاس و پێزانینى بۆ سه‌رۆك نێچیرڤان بارزانى و لایه‌نه په‌یوه‌نداره‌كانى هه‌رێمى كوردستان دووپات كرده‌وه كه له ماوه‌ى ئه‌ركه‌كه‌یدا، هاوكار و پشتیوانى بوون و هیواى خواست په‌یوه‌ندییه‌كانى ووڵاته‌كه‌ى له‌گه‌ڵ هه‌رێمى كوردستان له بره‌ودان بن.
ئەم بابەتە 11992 جار خوێندراوەتەوە