نێچیرڤان بارزانی سه‌رۆكى هه‌رێمى كوردستان پەیامێک بڵاو دەکاتەوە
پەیامی کورد ... نێچیرڤان بارزانی سه‌رۆكى هه‌رێمى كوردستان پەیامێک بڵاو دەکاتەوە
نێچیرڤان بارزانی سه‌رۆكى هه‌رێمى كوردستان، بەبۆنەی هاتنەوەی سەری ساڵی کۆچی 1444، پەیامێکی ئاڕاستەی موسڵمانانی کوردستان کرد و ڕاىگه‌یاند، هه‌موو پێكهاته نه‌ته‌وه‌یى و ئاینییه‌كان دڵنیا ده‌كه‌ینه‌وه كه هه‌رێمى كوردستان وه‌ك هه‌میشه به ووڵاتى هه‌مووان و لانكه‌ى پێكه‌وه‌ژیان و لێبورده‌یى ده‌مێنێته‌وه.
ده‌قى پەیامی پیرۆزبایی سه‌رۆكى هه‌رێمى كوردستان
بەبۆنەی هاتنی ساڵی نوێی كۆچی:
یه‌كى موحه‌ڕه‌م و سه‌رى ساڵى نوێى كۆچى به گه‌رمى له ته‌واوى موسڵمانان له هه‌رێمى كوردستان، عێراق و جیهان پیرۆز ده‌كه‌م. له په‌روه‌ردگارى مه‌زن داواكارم ساڵى نوێ، خێر و خۆشى، سه‌قامگیرى و ئاشتى بۆ هه‌رێمى كوردستان، عێراق و مرۆڤایه‌تى به‌گشتى له‌گه‌ڵ خۆیدا بهێنێت.
له‌م بۆنه پیرۆزه‌دا جه‌خت له قووڵكردنه‌وه‌ى كولتوورى یه‌كترقبووڵكردن و ته‌بایى ده‌كه‌ینه‌وه و هه‌موو پێكهاته نه‌ته‌وه‌یى و ئاینییه‌كان دڵنیا ده‌كه‌ینه‌وه كه هه‌رێمى كوردستان وه‌ك هه‌میشه به وڵاتى هه‌مووان و لانكه‌ى پێكه‌وه‌ژیان و لێبورده‌یى ده‌مێنێته‌وه.
پیرۆزه و هه‌موو ساڵێك به خۆشى.
نێچیرڤان بارزانى
سه‌رۆكى هه‌رێمى كوردستان
2022/7/30
ئەم بابەتە 11992 جار خوێندراوەتەوە