نێچیرڤان بارزانی سه‌رۆكی هه‌رێمی كوردستان و باڵیۆزی فلیپین چۆنیەتی بەرەنگاربوونەوە لەگەڵ بیری تووندڕەوی و تووندوتیژی یان خستەڕوو
پەیامی کورد ... نێچیرڤان بارزانی سه‌رۆكی هه‌رێمی كوردستان و باڵیۆزی فلیپین چۆنیەتی بەرەنگاربوونەوە لەگەڵ بیری تووندڕەوی و تووندوتیژی یان خستەڕوو
سه‌رۆكی هه‌رێمی كوردستان له‌دیدارێكدا له‌گه‌ڵ باڵیۆزی فلیپین له عێراق رایانگه‌یاند، به‌ره‌نگاربوونه‌وه‌ی تیرۆر و بیری تووندڕه‌وی و تووندوتیژی ته‌نیا له ڕێگه‌ی سه‌ربازییه‌وه ناكرێت، به‌ڵكوو ده‌بێت ووڵاتان له‌ڕووی په‌روه‌رده‌یی و كلتوورییه‌وه به‌ره‌نگاری ببنه‌وه.
به‌گوێره‌ی راگه‌ێندراوێكی سه‌رۆكایه‌تی هه‌رێم، ئه‌مڕۆ دووشه‌ممه نێچیرڤان بارزانی، سه‌رۆكی هه‌رێمی كوردستان، پێشوازی له جینۆرۆسۆ كالۆنج باڵیۆزی فلیپین له عێراق كرد، له دیدارێكيشدا په‌یوه‌ندییه‌كانی عێراق و هه‌رێمی كوردستان له‌گه‌ڵ فلیپین، دۆخی ڕه‌وه‌ند و ده‌ستی كاری فلیپینی له هه‌رێمی كوردستان، هه‌ڵبژاردنه‌كانی داهاتووی عێراق، په‌یوه‌ندییه‌كانی هه‌ولێر ـ به‌غدا، به‌ره‌نگاربونه‌وه‌ی تیرۆر و تووندڕه‌وی، پرۆسه‌ی كوتان به ڤاكسین و لێكه‌وته‌كانی په‌تای ڤیرووسی كۆرۆنا به‌تایبه‌تی له‌ڕووی ئابوورییه‌وه، تاوتوێكران.
هه‌ردوولا هاوڕا بوون كه به‌ره‌نگاربوونه‌وه‌ی تیرۆر و بیری تووندڕه‌وی و تووندوتیژی ته‌نیا له ڕێگه‌ی سه‌ربازییه‌وه ناكرێت، به‌ڵكوو ده‌بێت ووڵاتان له‌ڕووی په‌روه‌رده‌یی و كلتوورییه‌وه به‌ره‌نگاری ببنه‌وه و ئه‌و زه‌مینه‌یه بكرێته ئامانج كه بیری تووندڕه‌وی و تووندوتیژی و هاندانی تیرۆری تێدا ده‌كرێت، هه‌روه‌ها هانی ناتووندوتیژی و لێبوورده‌یی بدرێت.
باڵیۆزی فلیپین ئاماژه‌ی به هه‌وڵه‌كانی ووڵاته‌كه‌ی بۆ به‌ره‌نگاربونه‌وه‌ی بیری تووندڕه‌وی و تیرۆر كرد و دوپاتیكرده‌وه كه ووڵاته‌كه‌ی خوازیاره سوود له ئه‌زمونی هه‌رێمی كوردستان بۆ چۆنیه‌تی به‌ره‌نگاربوونه‌وه‌ی تووندڕه‌وی و تیرۆر وه‌ربگرێت.
هه‌ر به‌گوێره‌ی راگه‌ێندراوه‌كه، چۆنیه‌تی بره‌ودان به هاریكاری و هاوبه‌شی و بواره جیاكانی په‌یوه‌ندی عێراق و هه‌رێمی كوردستان له‌گه‌ڵ فلیپین، ته‌وه‌رێكی دیكه‌ی دیداره‌كه بوو.
ئەم بابەتە 11988 جار خوێندراوەتەوە