دەوڵەتی جۆ بایدن سەرۆککۆماری ئەمریکا لە دۆخ و ئەگەری ناڕەزایەتی بەرفراوان لە لۆبنان هاوکاری و یارمەتی ٦٧ میلیۆن دۆلاری نوێی ووڵاتەکەی بۆ ئەرتەشی ئەم ووڵاتە هەنارد .

بە پێی ڕاپۆرتێک لەئەم هەواڵە لە لایەن ڤیکتۆریا نۆلاند جێگری وەزارەتی کاروباری دەرەوەی ئەمریکا کە ڕۆژی پێنجشەممە سەردانی بەیرووت کردووە  ڕاگەێندراوە .

نۆڵاند بە پەیامنێران و ڕۆژنامەوانانی وتووە : ئەمڕۆ دڵخۆشم کە ڕابگەێنم ئەمریکا ٦٧ میلیۆن دۆلار ی دیکە بە ئەرتەشی لۆبنان هاوکاری دەبەخشێت و لە دەرئەنجامدا کۆ گشتی هاوکارییەکانمان بۆ ئەمساڵ دەگاتە ١٨٧ میلیۆن دۆلار .

جێگای ئاماژەدانە کە ئەرتەشی لۆبنان لەگەڵ کەمی کەل و پەل و پارەی نەخت بەرەوڕووە . ئەمە لە حاڵێکدایە کە ئەرتەشی لۆبنان لە سەرکوتکردنی ناڕەزایەتییەکانی ئەم ووڵاتەدا بەشداری دەکات .

ڕۆژی پێنجشەممە لە ئاکامی ناڕەزایەتییەکانی حێزبۆڵڵا و حێزبی شیعە ی امل لە باشووری بەیرووت تەقە و تێکهەڵچوون ڕوویدا و لە دەرئەنجامدا ٦ کەس کوژران و ٣٢ کەسی دیکەش بریندار بوون .

حیزبۆڵلا هەوادارەکانی حێزبێکی نەتەوەگەرای مەسیحی لۆبنانی بەناوبانگ بە حێزبی هێزەکانی لۆبنانی بە بەرپرسیاری ئەم هێرشە ناوبرد بەڵام ئەم حێزبە بە نۆبەی خۆی شیعەکانی بە درووستکردنی ئاڵۆزی تاوانبار کرد . ئەرتەشی لۆبنان هەوڵیدا پێس لە تەقە و تێکهەڵچوونەکان بگرێت بەڵام سەرکەوتوو نەبوو . ئەرتەشی لۆبنان ڕایگەیاند کە تەک هاوێژەکان لە تەقەکردن دا ڕۆڵیان هەبووە .

ئەم بابەتە 11985 جار خوێندراوەتەوە