پەیامی کورد      ...    هێرشی چەکداری دەکرێتە سەر سێ جووتیار و کوژراو برینداری لێکەوتەوە

لە گوندی قەرەبەگی پردێ سەربە پارێزگای کەرکووک، تەقە لە سێ جوتیار کرا و بەهۆیەوە کەسێک کوژراوە و دوانی دیکەش بریندار بون.

بەگوێرەی زانیارییەکان شەوی رابردوو لەگوندی قەرەبەگی پردێ، تەقە لە سێ جوتیار کراوە کە سەرقاڵی گواستنەوەی مریشک بوون لە پەلەوەرخانەیەک و بەهۆیەوە یەکێکیان کوژراوە و دوانەکەی دیکەش بریندار بوون.

رووداوەکە دوای کاتژمێر ١٢-ی شەوی رابردوو روویداوە و پۆلیسی پردێش رایگەیاند، "ئەو سێ جوتیارە کە پێشتر کێشەیان لەگەڵ چەند کەسێک هەبوە سەرقاڵی گواستنەوەی مریشک بوون لە پەلەوەرخانەیەکەوە بۆ کەرکوک و بەپێی زانیارییە سەرەتاییەکان هۆکاری تەقە کردنەکە بۆ کێشەی کۆمەڵایەتی دەگەڕێتەوە و ئێستا ھێزەکانی پۆلیس سەرقاڵی لێکۆڵینەوەن".
پۆلیس زانیاری زیاتر ئاشکراکرد و رایگەیاند، "هەر سێ کەسەکە بە سەختی بریندار بوون، بەڵام یەکێکیان نەگەیشتە نەخۆشخانە و گیانی لەدەستدا، تەقەکەرەکانیش ناسراون و بڕیاری دەستگیرکردنیان بۆ دەرچووە".
گوندی قەرەدەرە بەدووری ٣٥ کیلۆمەتر دەکەوێتە باکووری کەرکووک و سەر بەشارۆچکەی پردێیە.

ئەم بابەتە 11989 جار خوێندراوەتەوە