پەیامی کورد     ...     هێزە چەکدارەکانی ئێران ئامادەیی خۆیانیان بۆ هێرش بۆ سەر ئیسرائیل ڕاگەیاند .

ماوەی چەند ڕۆژێکە بەرپرسانی ئیسرائیلی هەڕەشەی هێرش کردن یان بۆ سەر ئێران ڕاگەیاندووە و ئامادەیی هێزە چەکدارەکانیان کە پێویستە هێرش بکەنە سەر ئێران .

بێنی گانتس وەزیری بەرگری و شەڕی ئیسرائیل یش بە شێوەی ڕاستەوخۆ هەڕەشەی کردووە کە ئەرتەشی ئیسرائیل ئامادەیە هێرشی نیزامی و سەربازی بکاتە سەر ئێران .

ژمارەیەک لە بەرپرسانی ئەمریکی و بەریتانی یش ڕایانگەیاندووە کە بۆ کاردانەوەیەکی هاوبەش لە دژی ئێران خەریکی داڕشتنی بەرنامەیەکی تۆکمەن .

زۆر کەسی دیکەش ئەم هەرایە دەگوازنەوە و خۆیان بۆ هێرشی سەربازی لە دژی ئێران ئامادە دەکەن .

زۆرێک لە میدیاکان ئەم ڕۆژانە بەدواداچوون بۆ ئەوە دەکەن کە ئێران دەیەوێت ج بکات و چ بەڵایەک بڕیارە بە سەر ئێران دا بێت .

جاودێرانی سیاسی ناوخۆییئێران دەڵێن ئەوەی گرینگە ئەوەیە کە ئەگەر ئەمریکییەکان و ئیسرائیلی یەکان و بەریتانییەکان بە تاک و یا خود بە شێوەی کۆ بیانتوانیایە هێرش بکەنە سەر ئێران ، ئەوە بۆ چرکەیەکیش ڕاناوەستن و هێرشی خۆیان ئەنجام دەدەن .

ئەوان بە بیانووی وەکوو ئەوەی لەم دوایی ڕوویدا سەبارەت بە کەشتییەکان لە دەریای عەرەب و کەنداوی عۆممان پێویستییان هەیە نە وەک ڕێگەپێدانی شەورای ئەمنییەت .

دەبێ ڕاستییەکان ببینین ئێمە ئەمڕۆ لە جەنگەڵی جیهانی دا دەژین کە تەنیا بەهێزەکان تێدا زیندوو دەمێننەوە و بەس

هەر ووڵاتێک کە هێزی بەرگری کردنی لە خۆی نەبێت ئەوەی ڕاستەوخۆ دەکەوێتە بەر هێرشی گورگەکان و دواتر هەمووان بۆ پارچە پارچە کردنی و خواردنی پارچەکان و پارچەیەکی باشتر لەگەڵ یەکتر پێشبڕکێ دەکەن .

ڕاستە کە ئێرانییەکان زۆر دەنگە دەنگ ناکەن بەڵام لە ئیسرائیلی یەکانەوە بگرە تاکوو ئەمریکییەکان تاکوو بەریتانی یەکان بە باشی دەزانن کە لەوانەیە ئەوان دەستپێشخەری هێرش کردن بۆ سەر ئێران بن بەڵام ئەمە ئێران ە کە کۆتایی پێهێنەر دەبێت و هێزە چەکدارەکانی ئێران و هاوپەیمانەکانی ئێران ساڵیانێکە خۆیان بۆ هێرش کردن بۆ سەر ئیسرائیل و هێزەکانی ئەمریکی و بەریتانی لە ناوچەکە ئامادە دەکەن بەڵام چاوەڕێی سەیوانی سیاسی پێویست بۆ ئەم هێرشەن ، کە بە شێوەی سرووشتی هەر جۆرە هێرشێک بۆ سەر ئێران دەتوانێ ئەم سەیوانە سیاسی یە دەستەبەر بکات .

 

ئەم بابەتە 11988 جار خوێندراوەتەوە