پەیامی کورد      ...   هەرێمی کوردستان دژی دەرچوونی هێزە سەربازییەکانی ئەمریکا و ووڵاتانی بیانی دیکە لە عێراق ە .

هەرێمی کوردستان دژبەری دەرچوونی هێزە سەربازییە دەرەکی و بیانییەکان لە عێراق ە و دوای بەردەوامی دانی هاوکارییە سەربازییەکانی خۆیەتی لەگەڵ ئەوان . بابەتێک کە هەوال لە کێشە و جیاوازییەکی نوێ لە نێوان هەولێر و بەغدا دەخاتە ڕوو .

بەرپرسێکی بەرچاوی عێراقی لە بەغدا بە کەناڵی العربی الجدید ی ووت کە بەرپرسانی هەولێر بە فەرمی دژایەتی خۆیانیان دەربارەی دەرچوونی هێزە دەرەکی و بیانییەکان لە چوارچێوەی هاوپەیمانی نێودەوڵەتی دژ بە داعش بە ڕابەرایەتی ئەمریکا لە عێراق یان ڕاگەیاندوە .

ئەو بەرپرسە جەختی کردووەتەوە کە بەرپرسانی هەولێر لەگەڵ بەرپرسانی ئەمریکا ڕایانگەیاندووە کە بە بێ گرینگیدان بە دۆخەکە لە بەغدا بەردەوامی بە هاوکاری یەکانیان لەگەڵ هێزە سەربازییە بیانییەکانی دەدەن .

وا پیدەچێت بابەتی هەژموونی سەربازی بیانی لە عێراق ، لاپەڕەیەکی نوێ لە کێشە و جیاوازییەکانی نێوان سەرانی هەرێمی کوردستان و بەغدا دەست پیبکات .

فڕاکسیۆنە پەرلەمانییەکان و هەندێک لە گرووپگەلی چەکداری عێراق لە ماوەی چەند ڕۆژی ڕابردوو و لە دوای هێرشی ئەمریکا بۆ سەر مۆڵگەکانی کەتائێبی سید الشهدا لە ناوچەی سنووری عێراق - سووریا جارێکی دیکە داواکاری دەرچوونی هێزە بیانییەکان و لە سەرووی هەموویانەوە ئەمریکا لە عێراق بوون .

بە ووتەی ئەم بەرپرسە ، بەرپرسانی هەولێر ، ئۆپراسیۆنەکانی تورکیا ، چالاکییەکانی پەکەکە و هەڕەشەی هەندێک لە گرووپگەلی چەکداری لە سنوورەکانی هەرێمی بە مەترسییەکی دیکە زانی کە هەژموونی ئەمریکییەکان ی بە هۆکارێک بۆ ڕێکخستنی سیاسی و نە تەنیا ئەمنییەتی دەبێت .

ئەو هەروەها ووتی کە موستەفا کازمی سەرۆکوەزیرانی عێراق بەم زووانە بۆ ڕێکەوتن لە سەر ئەم بابەتە لەگەل ئەمریکا سەردانی واشینتۆن دەکات .

ئەم بابەتە 11991 جار خوێندراوەتەوە