یەکێک لە بەرپرسە باڵاکانی عێراق ڕۆژی دووشەممە ڕایگەیاند کە ٨ ئەفسەری پلە باڵای ئەم ووڵاتە لەوانەش دوو ژەنەڕاڵ ، بە هۆی لەناوچوونی بەڵگەی گرینگی هەوڵی تێرۆری سەرۆکوەزیرانی ئەو ووڵاتەوە بوون دەست بەسەر کران .

موستەفا کازمی سەرۆکوەزیرانی عێراق لە کۆتایی مانگی نۆڤەمبەر کەوتە بەر ئامانجی فڕۆکەگەڵی بێفڕۆکەوانەوە . بەڵام ئەو لەم هەوڵە تێرۆریستییە دا توانی بە سەلامەت دەربچێت و یەکێک لە فڕۆکە بێفڕۆکەوانەکانیش دەست لێنەدراو لە سەر بانی شوێنی نیشتەجێ بوونی ئەودا دۆزرایەوە .

قاسم ئەعرەجی ڕاوێژکاری ئەمنییەتی نەتەوەیی و نیشتیمانی عێراق لە ئاکامی دانیشتنێکی میدیایی دا ڕایگەیاند کە دوو گرووپ لە هێزە ئەمنییەکان بەرپرسیاری کۆکردنەوە و سەلماندنی جێ پەنجەگەلی لەناکاو لە سەر ئەم فڕۆکە بێفڕۆکەوانانەوە پێش لەناوبردنی بوونە و هەرچەندە ئەوان لە سەرەتاوە متمانەیان بە کۆمیسیۆنی لێکؤلینەوە دا کە کاری کۆکردنەوە و جێ پەنجەکان ئەنجام دراوە بەڵام دواتر دەرکەوت کە ئەوان فڕۆکە بێفڕۆکەوانەکان یان بە بێ کۆکردنەوەی ئەم جۆرە بەڵگە گرینگانە لە ناوبردووە .

هەر لەم ڕاستایەدا قاسم ئەعرەجی ڕایگەیاند : " کۆمیسیۆن بڕیاریداوە کە ئەندامانی ئەم دوو تیمە دەست بەسەر بکات و لێکۆڵینەوەگەلی سەرەتایی دەست پێبکەن و دەربکەوێت بۆچی ئەوان کارێک کە دەبوایە ئەنجام بدرێت ئەنجام نەداوە ."

ئەو بە ئاژانسی فەرمی فەرەنسای ووتووە کە ئەم دوو گرووپە پێکهاتوون لە هەشت ئەفسەر لەوانەش دوو ژەنەڕاڵ و جەختی کردەوە کە کۆمیسیۆن لەم قۆناغەدا نیازی تاوانبار کردنی کەسی نییە و بە دوای دۆزینەوەی هۆکاری ئەم بێسەروبەرییە لە دەرئەنجامی ئەرکەکانیانە .

ئەم بابەتە 11986 جار خوێندراوەتەوە