پەیامی کورد     ...   هەواڵی نافەرمی سەبارەت بە چاوپێکەوتن و دیداری مەلەک عەبدۆڵلا لەگەڵ نەفتاڵی بێنت  .

چاوپێکەوتنی وەزیرانی دەرەوەی ئۆردۆن و ئیسرائیل و هەواڵی نافەرمی سەبارەت بە چاوپێکەوتن و دیداری مەلەک عەبدۆڵڵا لەگەڵ نەفتاڵی بێنت .

بنکەی ئیسرائیلی " والا " هەواڵی دا کە هەفتەی ڕابردوو مەلەک عەبدۆڵڵا ، پاشای ئۆردون لە کۆشکی خۆی لە عەممان میوانداری " نەفتاڵی بێنت " سەرۆکوەزیرانی ئیسرائیل بووە .

وەزارەتی دەرەوە ئۆردون لە گفتۆگۆوەکانی " ئەیمەن سەدەفی " وەزیری دەرەوەی ئۆردون بە یائیر لاپید " وەزیری دەرەوەی ئیسرائیل لە ناوچەی سنووری پردی مەلەک حسێن هەواڵیدا .

بە پێی بەیاننامە فەرمییە وەزارەتی دەرەوەی ئۆردون ، لەم چاوپێکەوتنەی لایەنەکان دا لە سەر زیادبوونی ٥٠ میلیۆن مەتری سێ گۆشە بەشە ئاوی ئۆردون لە ئاوەکانی هاوبەش و زیادکردنی هەناردەکردنی ئۆردون بۆ کەرانەی باختەری لە ١٦٠ میلیۆن دۆلار لە ساڵێکدا بۆ ٧٠٠ میلیۆن دۆلار لە ساڵێکدا ڕێکەوتنیان کرد .

وەزیری دەرەوەی ئۆردون لەم دیدارەدا لە سەر گرینگی هەوڵەکان بۆ درووست کردنی بەرچاوڕوونییەکی سیاسی ڕاستەقینە بە مەبەستی گەیشتن بە ئاشتییەکی پایەدار و عادیلانە و بەرفروان بۆ گەیشتن بە ڕێگەچارە ی دوو ووڵات و کۆتایی داگیرکارییەکان و گەیشتن بە داواکارییە مەشرووعەکان نەتەوەی فەلەستین و تەشکیلی ووڵاتێکی سەربەخۆی فەلەستین لە سنوورەکانی ١٩٦٧ جەختیان کردەوە .

سەفەدی هەروەها جگە لە جەخت کردنەوە لە سەر گرینگی پارێزگاری کردن لە دۆخی مێژوویی کە لە مزگەوتی الاقصی و بیت المقدس داواکاری ڕێز بۆ مافی دانیشتوانی مەحەللەی شێخ جەراح و ڕاوەستاندنی هەنگاوەکانی بۆ کۆچی زۆرەملی ئەوان بوو .

بە پێی ئەم ڕاپۆرتە ، سەرچاوەکانی ئیسرائیلی کە نەیانویست ناویان ئاشکرا بکرێت جگە لە ئاشکرا کردنی ئەم دیدارە جەختیان کردەوە کە ووتووێژەکانی مەلەک عەبدۆڵلا و بێنت " زۆر کاریگەر بووە و لایەنەکان لە سەر کردنەوەی لاپەڕەیەکی نوێ لە پەیوەندی ئۆردون و ئیسرائیل ڕێکەوتنیان کردووە .

ئەم بابەتە 11990 جار خوێندراوەتەوە