هەواڵێکی گرینگ بۆ ئەو کەسانەی کە مۆڵکەکانیان لە کاتی حکوومەتی بەعسی ڕووخاودا دەستی بەسەرداگیراوە
پەیامی کورد ... هەواڵێکی گرینگ بۆ ئەو کەسانەی کە مۆڵکەکانیان لە کاتی حکوومەتی بەعسی ڕووخاودا دەستی بەسەرداگیراوە
بەڕێوبەری گشتی دەستەی سکاڵانامەی مۆڵکداری رایگەیاند، سەرجەم ئەو کەسانەی لەماوەی رابردوودا مۆڵكەكانیان دەستیبەسەرگیراوە و بڕیاری قەرەبووکردنەوەیان هەیە، لەماوەی ئەمساڵدا پارەی قەرەبووکردنەوەکەیان وەردەگرن.
تارا ئەنوەر قەرەداغی، بەڕێوبەری گشتی دەستەی سکاڵانامەی مۆڵکداری لەراگەێندراوێکدا ئاماژەی بەوەشکردوە، ئەمساڵ دەستەکەیان قۆناغێکی دیکەی قەرەبووکردنەوەی هاووڵاتیان جێبەجێ دەکات، دوای ئەوەی ئەو کەسانەی بڕیاری قەرەبووکردنەوەیان هەیە، دۆسییەکانیان لەلایەن لیژنە دادوەرییەکانەوە یەکلایی کراوەتەوە.
ئاماژەی بەوەشکرد، داوا لەسەرجەم هاووڵاتیان دەکەن ئەوانەی بڕیاری قەرەبووکردنەوەیان هەیە سەردانی دەستەکەیان بکەن و رێکارە یاساییەکان تەواو بکەن، بۆ ئەوەی لەکاتی گەیشتی بوودجەی قەرەبووکردنەوە، راستەوخۆ پارەکە وەربگرن.
ساڵی ٢٠١٩ ش حكوومەتی عێراقەوە بەمەبەستی قەرەبووكردنەوەی هاووڵاتیانی هەرێمی كوردستان کە مۆڵکەکانیان لەلایەن رژێمی بەعس دەستی بەسەردا گیرابوو، بەچەند قۆناغێک بوودجەی قەرەبووکردنەوە بۆ کوردستان رەوانەکرا.
ئەم بابەتە 11989 جار خوێندراوەتەوە