پەیامی کورد      ...    واشینتۆن پۆست: ڕەئیسی گرفتێکی گەورەیە بۆ دەوڵەتی بایدێن

ڕۆژنامەی واشینتۆن پۆست لە بابەتێکدا نووسی : ئیبراهیم ڕەئیسی گرفتێکی گەورەیە بۆ جۆ بایدێن.

ڕۆژنامەی واشینتۆن پۆست لە بابەتێکدا نووسی: گرفتی گەورە بۆ بایدێن ئەوەیە کە لەگەڵ ئیبراهیم ڕەئیسی کە سەرەکیترین هۆکارە بۆ دەست بەسەرکردن و لەناو بردنی دژبەرانی ئەو ڕێژیمە و ئێستا لەگەڵ خەڵکی ناڕازی ووڵات ڕووبەڕوووە دەبێ چ بکا؟ کۆماری ئیسلامی هیچ ووڵامێکی بۆ سەرەکیترین داخوازییەکانی خەڵکی ئێران نییە و کاربەدەستانی ئەو ڕێژیمە هەوڵ دەدەن بە زۆری ووڵات بەڕێوەببە و لە دەسەڵاتدا بمێننەوە و خەڵکی ئێرانیش وە زاڵە هاتوون و سەبر و تاقەتیان لێ‌بڕاوە.

ئەو ڕۆژنامەیە هەروەها دەنووسێ: ئەو بیرۆکەیەی ڕێفۆرمخوازەکان کە سەردەمانێک دەیانووت حکوومەتی دینی لە ڕێگای ڕێوشوێنەکانی یاسای بنەڕەتی خۆی دەتوانێ خۆی لیبڕالیزە بکا، ئیدی مردووە. و ڕەئیسی لەو پۆستەی کە تێیدایە هاتووە کە هەموو کەلێنەکانی دەسەڵات پڕ بکاتەوە نەک ئەوەی کە کرانەوەی سیاسی بێنێتە ئاراوە.

واشینتۆن پۆست لە درێژەدا دەڵێ: سەرکوتی ناڕازییان لە ئێران و بەربەرەکانێ لەگەڵ ئیمپریالیسم لە دەرەوە لە سەرەکیترین ئامانجەکانی ئەو ڕێژیمەیە و ئەو زێدەخوازییە پێویستی بە میلیشیا چەکدارەکان لە سەرانسەری ناوچەکە و دامەزراندنی بنکەی مووشەکی و گەورەترین چەکی ستراتێژیک واتە چەکی ئەتۆمی هەیە.

ڕەئیسی کەسێکە کە دواکەوتەی بیرۆکەیەکی تووند ئاژۆیانەیە کە بە گشتی هەموو شوێنکەوتووەکانی خۆی وا بارهێناوە و لە ئێستادا ئەو کەسانە خاوەن پۆستە سەرەکییەکانن لە کۆماری ئیسلامیدا و بە تایبەتی لە ناوەندە سەرکوتکەرەکان ‌دان. هەر بەو هۆیەوە ڕەئیسی کێشەیەکی نائاسایی و لەکارخەرە بۆ ستراتێژی دیپلۆماسی دەوڵەتی بایدن کە دەڵێ بابەتی مافی مرۆڤ بۆ ئەمریکا لە سەرووی هەموو شتێكەوەیە.

ئەم بابەتە 11992 جار خوێندراوەتەوە