پەیامی کورد     ...  وزارەتی دەرەوەی هەر دوو ووڵاتی بەریتانیا و ڕۆمانیا بە جیا بانگهێشتی باڵیۆزەکانی ڕیژیمی "ئێرانـ"ـیان کرد

وەرزیرانی دەرەوەی بەریتانیا و ڕۆمانیا بە شێوەی جیاواز و سەبارەت بە کوژرانی دوو کەسی نێو کەشتی یە ئیسرائیل ییەکە، کە لە دەریای عەرەبدا و لەلایەن ڕێژیمی ئێرانەوە هێرشی کراوەتە سەر بانگهێشت کردووە.

ئەو دوو کەسە کوژراوە یەکیان ڕەگەزنامەی ووڵاتی بەریتانیا و ئەوەی دیکە ڕەگەزنامەی ووڵاتی ڕۆمانیای هەیە.

ڕۆژی یەکشەممە "دۆمینیک ڕاب"، وەزیری دەرەوەی بەریتانیا، ڕێژیمی ئێرانی بە بەرپرسی "هێرشی بە ئەنقەست و ئامانجدار"، بۆ سەر کەشتی نەوتکێشی ئیسرائیلی تاوانبار کرد.

هەروەها وزارەتی دەرەوەی ووڵاتی ڕۆمانی، لە بەیاننامەیەکدا بڵاوی کردووەتەوە:  "بەڵگەمان لەدەستدایە و پێشان دەدا هێرش بۆسەر نەوتکێشی "مێرسێرستریت"، بە بەرنامە و پلانی کۆماری ئیسلامی ئێران و لەلایەن دڕۆنەکان ئەو ڕێژیمەوە ئەنجام دراوە".

پێشتریش "ئانتۆنی بلینکێن"، وەزیری دەرەوەی ئەمریکا، لەو پێوەندییەدا وتبووی: "ئەو هێرشەی ڕێژیمی ئێران، حاشاهەڵنەگرە و هیچ پاساوێک هەڵناگرێ".

ڕۆژی یەکشەممە "بلینکێن"، لە بەیاننامەیەکدا ڕایگەیاند، واشینتۆن لە حاڵی خۆڕێکخستن لەگەڵ شەریک و ووڵاتانی هاوپەیمانە بۆ ئەوەی ووڵامێکی بەجێ و تووند بە ڕێژیمی ئێران لە پەیوەندی بەو هێرشە بدەنەوە.

ئەم بابەتە 11990 جار خوێندراوەتەوە