وه‌زاره‌تی كاره‌با سەبارەت بە كێشه‌ی هاووڵاتیان پەیامێک ڕادەگەێنێت
پەیامی کورد ... وه‌زاره‌تی كاره‌با سەبارەت بە كێشه‌ی هاووڵاتیان پەیامێک ڕادەگەێنێت
وه‌زاره‌تی كاره‌بای حكوومه‌تی هه‌رێمی كوردستان رایگه‌یاند، له‌ڕێگه‌ی سیستەمی خزمه‌تگوزاری سكاڵای ئه‌لیكترۆنیه‌وه، 80%ی كێشه‌ی هاووڵاتیان چاره‌سه‌ركراون، پێوه‌ری زیره‌ك، نه‌گه‌یشتنی پسووڵه‌ی كرێی كاره‌با كێشه‌ی سه‌ره‌كی بوون.
له‌ڕاگه‌ێندراوێكدا وه‌زاره‌تی كاره‌با بڵاویكرده‌وه، "له ماوه‌ی سێ مانگی رابردوودا، كه سیستەمی خزمه‌تگوزاری سكاڵای ئه‌لیكترۆنی له رۆژی 23ی (ئه‌یلول/9)ی 2021 له‌لایه‌ن وه‌زاره‌تی كاره‌باوه به‌كارخراوه، نزیكه‌ی 300 سكاڵا له ڕێگه‌ی سیستەمی ئۆنلاین و ته‌له‌فۆنه‌وه به وه‌زاره‌تی كاره‌با گه‌یشتوه".
هه‌ر به‌گوێره‌ی راگه‌ێندراوه‌كه، به‌ڕێوبه‌رایه‌تی دڵنیایی جۆڕی و به‌ڕێوبه‌رایه‌تی به‌دواداچون و چاودێری، به ووڵامدانه‌وه‌ی راسته‌وخۆ، كێشه‌ی 80% هاووڵاتیان له سكاڵا و داواكاری و ره‌خنه‌یا چاره‌سه‌ر كردوه و ئه‌وانه‌ی دیكه‌شیان بۆ به‌دواداچوونی زیاتر بۆ شوێنی په‌یوه‌ندیدار نێردراون.
وه‌زاره‌تی كاره‌با ڕوونیشیكردوه‌ته‌وه، زۆربه‌ی سكاڵا و داواكاری هاووڵاتیان بریتی بون له (كێشه‌ی پێوه‌ری زیره‌ك، كێشه‌ی نه‌گه‌یشتنی پسوڵه‌ی كرێی كاره‌با، گه‌یاندنی خزمه‌تگوزاری به گه‌ڕه‌كه نوێیه‌كان، سكاڵای فه‌رمانبه‌ران، رۆتین، سه‌رپێچی).
وه‌زاره‌تی كاره‌با باسی له‌وه‌شكردوه، "هاوبه‌شانی كاره‌با ده‌توانن سكاڵا و داواكارییه‌كانیان به سیستەمی خزمه‌تگوزاری سكاڵای ئه‌لیكترۆنی بۆ وه‌زاره‌تی كاره‌با بنێرن، یان به ناردنی په‌یامێك بۆ په‌یجی وه‌زاره‌ت زانیاریی زیاتر به‌ده‌ستبهێنن".
له‌ڕێگه‌ی ئه‌م لینكه‌وه سكاڵا و داواكارییه‌كانت بگه‌یه‌نه به‌سیستەمی خزمه‌تگوزاری
ئەم بابەتە 11995 جار خوێندراوەتەوە