وه‌زاره‌تی په‌روه‌رده ژماره‌یه‌ك بڕیاری گرینگ ده‌ردەکات
پەیامی کورد ... وه‌زاره‌تی په‌روه‌رده ژماره‌یه‌ك بڕیاری گرینگ ده‌ردەکات
وه‌زاره‌تی په‌روه‌رده‌ی حكوومه‌تی هه‌رێمی كوردستان، ئه‌مڕۆ شه‌ممه، ژماره‌یه‌ك بڕیاری ده‌ركرد و رایگه‌یاند، سه‌رپه‌رشتیاران و به‌ڕێوبه‌ری هۆڵ و یاریده‌ده‌ر و مامۆستایانی چاودێر، رێگایان پێنادرێت مۆبایل ببه‌نه ناو هۆڵه‌كانی تاقیكردنه‌وه‌كان.
به‌گوێره‌ی نووسراوێكی وه‌زاره‌تی په‌روه‌رده كه واژووی ئالان حمه‌مه سه‌عید حه‌سه‌ن وه‌زیری په‌روه‌رده‌ی له‌سه‌ره تێیدا هاتووه، به‌مه‌به‌ستی دابینكردنی كه‌شێكی ته‌ندرووست و ئارام و باش به‌ڕێوه‌چوونی پرۆسه‌ی تاقیكردنه‌وه گشتیه‌كانی قۆناغی ١٢ی ئاماده‌یی به‌هه‌مو به‌شه‌كانیه‌وه بڕیاردرا، له‌هه‌موو ئاسته‌كانی به‌رپرسیارێتی ناو وه‌زاره‌تی په‌روه‌رده، سه‌ردان و سه‌ركردنه‌وه‌ی ناو هۆڵی تاقیكردنه‌وه گشتیه‌كان رێگه‌پێدراو نیه.
ئه‌وه‌شی خستوه‌ته‌ڕوو، سه‌رپه‌رشتیاران ده‌توانن سه‌ردانی ناو هۆڵی تاقیكردنه‌وه‌كان بكه‌ن، به‌ڵام به‌هیچ جۆرێك سه‌رپه‌رشتیاران و به‌ڕێوه‌به‌ری هۆڵ و یاریده‌ده‌ر و مامۆستایانی چاودێر، رێگایان پێنادرێت مۆبایل ببه‌نه ناو هۆڵه‌كانی تاقیكردنه‌وه‌كان، ده‌توانن مۆبایله‌كانیان له‌ئیداره‌ی ناوه‌ندی تاقیكردنه‌وه‌كان دابنێن.
هه‌ر به‌گوێره‌ی نوسراوه‌كه، رێگه نادرێت میدیاكان هیچ جۆره رووماڵێكی میدیایی له‌ناو هۆڵی تاقیكردنه‌وه گشتیه‌كان ئه‌نجامبده‌ن، ته‌نها ده‌توانن لێدوانی میدیایی له به‌ڕێوه‌به‌ری ناوه‌ندی تاقیكردنه‌وه‌كان وره‌بگرن له‌ده‌ره‌وه‌ی هۆڵی تاقیكردنه‌وه‌كان.
ئەم بابەتە 11988 جار خوێندراوەتەوە