وه‌زیری ته‌ندرووستی حكوومه‌تی هه‌رێم، هۆشداری مەترسیدار سەبارەت بە شه‌پۆلی سێیه‌می كۆرۆنا ده‌دات
پەیامی کورد ... وه‌زیری ته‌ندرووستی حكوومه‌تی هه‌رێم، هۆشداری مەترسیدار سەبارەت بە شه‌پۆلی سێیه‌می كۆرۆنا ده‌دات
وه‌زیری ته‌ندرووستی حكوومه‌تی هه‌رێم، هۆشداری له هه‌ڵكشانی شه‌پۆلی سێیه‌می كۆرۆنا ده‌دات و راشیده‌گه‌ێنێت : "ڕێژه‌ی تووشبوان و نووستن له نه‌خۆشخانه‌كان به‌هۆی ڤایرۆسی كۆرۆناوه زیادبوه و دوو هێندی هه‌فته‌كانی پێشووه".
سامان به‌رزنجی وه‌زیری ته‌ندرووستی هه‌رێم له ڕاگه‌ێندراوێكدا رایگه‌یاند، پڕۆسه‌ی پێدانی ڤاكسین پێشكه‌وتنی به‌خۆوه‌بینیوه، زیاتر له ٣٩٩ هه‌زار ژه‌مه‌ڤاكسینی دژه ڤایرۆسی كۆرۆنا له‌لایه‌ن دانیشتوانی هه‌رێمی كوردستان وه‌رگیراون، له‌وانه زیاتر له ٢٥٥ هه‌زار هاووڵاتی كه ده‌كاته ڕێژه‌ی له‌سه‌دا ٧.٨%ی دانیشتوان ژه‌می یه‌كه‌م و زیاتر له ١٤٤ هه‌زار هاووڵاتی كه ده‌كاته ڕێژه‌ی له‌سه‌دا ٤.٤%ی دانیشتوان ژه‌می دووهەمی ڤاكسینی كۆرۆنایان وه‌رگرتوه.
سامان به‌رزنجی ئه‌وه‌شی خسته‌ڕوو، "بۆیه‌كه‌مجاره كیت و پێداویستی تایبه‌ت به ده‌ستنیشانكردنی زنجیره‌ی نوێی ڤایرۆسی كۆرۆنای ناسراو به "زنجیره‌ی دێڵتا" له هه‌رێمی كوردستان دابینكراوه".
وه‌زیری ته‌ندرووستی هۆشداریش له هه‌ڵكشانی ژماره‌ی تووشبوانی كۆرۆنا ده‌دات و ده‌ڵێت، "پێشبینی هه‌ڵكشانی شه‌پۆلی سێیه‌م و ئه‌گه‌ر و گومانی بڵاوبوونه‌وه‌ی جۆر و زنجیره‌ی نوێی ڤایرۆسی كۆرۆنا ده‌كرێت، له‌هه‌مانكاتدا، جارێكی دیكه ژماره و ڕێژه‌ی تووشبوان و نووستن له نه‌خۆشخانه‌كان به‌هۆی ڤایرۆسی كۆرۆناوه زیادبوه و دوو هێندی هه‌فته‌كانی پێشووه".
له‌په‌یامێكیشدا بۆ سامان به‌رزنجی هاووڵاتیان باسی له‌وه‌كردوه، "تكایه به‌هه‌ندی وه‌ربگرن و ڕێكاری خۆپارێزی بگرنه‌به‌ر، ئه‌ویش به‌به‌كارهێنانی ده‌مامك دووركه‌وتنه‌وه‌ی كۆمه‌ڵایه‌تی و قه‌ره‌باڵغی، ئاگاداری خۆتان و خانه‌واده و منداڵه‌كانتان بن با هه‌موومان هاوكار و پاڵپشت بین و ڕێگه‌بگرین له هه‌ڵكشانی تووندی نه‌خۆشیه‌كه و كوردستانمان بپارێزین".
ئەم بابەتە 11988 جار خوێندراوەتەوە