وه‌زیری تەندرووستی : بۆ پاراستنی سه‌لامه‌تى گیانى هاووڵاتیان ١٠ ئامبۆڵانس بۆ سلێمانى دابینكران
پەیامی کورد ... وه‌زیری تەندرووستی : بۆ پاراستنی سه‌لامه‌تى گیانى هاووڵاتیان ١٠ ئامبۆڵانس بۆ سلێمانى دابینكران
حکوومه‌تى هه‌رێمى کوردستان به مه‌به‌ستى خزمه‌تکردنى زیاترى هاووڵاتیان و که‌رتى ته‌ندرووستى، ژماره‌یه‌ک ئامبۆڵانسى بۆ چه‌ند نه‌خۆشخانه‌یه‌کى سلێمانى و ده‌ووروبه‌رى دابینکرد.
د. سامان به‌رزنجى، وه‌زیرى ته‌ندرووستى حکوومه‌تى هه‌رێمى کوردستان، رایگه‌یاند: "له‌سه‌ر بڕیارى مه‌سروور بارزانى، سه‌رۆکى حکوومه‌تى هه‌رێمى کوردستان و، له پێناو به‌رژه‌وه‌ندى گشتى و سه‌لامه‌تى گیانى هاووڵاتیان، ١٠ ئوتۆمبێلى جۆرى ئامبۆڵانس بۆ هه‌ریه‌ک له نه‌خۆشخانه‌کانى شه‌هیدانى پێنجوێن، شه‌هید ره‌ئۆف به‌گ له هه‌ڵه‌بجه‌ى تازه، شه‌ھید شه‌وکه‌تى حاجى مۆشیر له سه‌ید سادق، شه‌هید تۆفیق به‌گى سه‌ر به به‌ڕێوبه‌رایه‌تى ته‌ندرووستى سلێمانى دابینکرا".
به‌رزنجى ووتیشى: "دابینکردنى ئامبۆڵانسه‌کان له‌سه‌ر بنه‌ماى خزمه‌تکردنى زیاترى هاووڵاتیان و، پێداوێستى نه‌خۆشخانه‌کان بووه، بۆیه بڕیاره‌که‌ى سه‌رۆکى حکوومه‌ت جێگه‌ى ده‌ستخۆشییه و سوپاسى ده‌که‌ین".
ئەم بابەتە 11987 جار خوێندراوەتەوە