پەیامی کورد     ...  ووڵاتانی ئەورووپایی دژی ڕێژیمی ئێران سکاڵا تۆمار دەکەن

پاش هێرشی کۆماری ئیسلامی بۆ سەر کەشتییە نەوت هەڵگرەکەی ئیسرائیل بە ئاڵای ووڵاتی لییبریاوە لە دەریای عۆممان، ووڵاتانی بەریتانیا، ڕۆمانیا و لیبیریا لە شەورای ئاسایشی ڕێکخراوی نەتەوە یەکگرتووەکان سکاڵایەک لە دژی ڕێژیمی ئێران تۆمار دەکەن .

ڕۆژی سێشەممە ٣ی ئۆگۆست ، ووڵاتانی بەریتانیا، ڕۆمانیا و لیبیریا، لە سکاڵایەکی هاوبەشدا ڕوو بە شەورای ئاسایشی ڕێکخراوی نەتەوە یەکگرتووەکان، بە ئاماژەدان بە هێرشی دڕۆنی ڕێژیمی ئێران بۆ سەر کەشتییە نەوت هەڵگرەکەی ئیسرائیل، کە بوو بەهۆی گیان لەدەستدانی دوو هاووڵاتی بەریتانیایی و ڕۆمانیایی، ڕایانگەیاندووە کە ئەم هێرشەی رێژیمی ئێران خەسارەتێکی گەورەی بە ئاسایشی گەیاندن و گواستنەوەی نێونەتەوەیی دەریایی گەیاندووە و پێشێلکردنی ئاشکرای یاسا نێونەتەوەییەکانە و دەبێ کۆمەڵگای نێونەتەوەیی ئەم کردەوەی رێژیمی ئێرانە بەتوندی مەحکووم بکا.

هەر لەم پێوەندییەدا، نێد پرایس، ووتەبێژی وەزارەتی دەرەوەی ئەمریکا لە کۆنفرانسێکی رۆژنامەوانیدا ڕایگەیاند کە خەریکی ڕاوێژ لەگەڵ هاوپەیمانەکانمانین کە بە کۆدەنگی ووڵامێکی گونجاوی ئەو کردەوەی ڕێژیمی ئێرانە بدەینەوە.

ئەم بابەتە 11988 جار خوێندراوەتەوە