پەیامی کورد     ...    مۆقتەدا سەدر نووسینگەی سیاسی ڕەوتی سەدری داخست .

نووسینگەی مۆقتەدا سەدر بە بڵاوکردنەوەی بەیاننامەیەکی فەرمی ، داخرانی تەواوی نووسینگەی سیاسی ڕەوتی سەدر ی ڕاگەیاند .

لە بەیاننەمەی فەرمی ئەم نووسینگەیەدا کە دوێنێ ئێوارەی پێنجشەممە بڵاو کراوەتەوە کە جگە لە سوپاس و پێزانین لە چالاکییەکانی ئەندامانی ئەم شاندە بە فەرمانی تایبەتی سەدر و بە گرینگیدان بە دۆخی ئێستا و لە ڕاستای پارێزگاریکردن لە بەرژەوەندییەکانی نەتەوە و نیشتیمان " نووسینگەی سیاسی ڕەوتی سەدر دادەخرێت .

هەروەها لە بەیاننامەکەدا هاتووە کە " نصار الربیعی " سەرۆکی نووسینگەی سیاسی ڕەوتی سەدر ، و موحەمەد المصلی وەکوو ڕاوێژکارانی سەدر ڕاسپێردراون .

سەر لە بەیانی دوێنێ مۆقتەدا سەدر لە میانەی پێشکەش کردنی ووتارێکی تەلەفزیۆنی دا ڕایگەیاند کە لە هەڵبژاردنەکان دا بەشداری ناکات و لە هەموو ئەو کەەسانەی کە لە دەوڵەتی ئێستا و داهاتوودا سەر بە ئەون پاکانەەیی و بێبەری بوونی خۆی ڕادەگەینێت .

ئەم بابەتە 11990 جار خوێندراوەتەوە