+ وێنە ... وەزارەتی دارایی و ئابووری ڕاگەێندراوێک سەبارەت بە بڕە پارەکەی بەغدا کە ڕەوانەی هەرێم کراوە بڵاو دەکاتەوە
پەیامی کورد ... وەزارەتی دارایی و ئابووری ڕاگەێندراوێک سەبارەت بە بڕە پارەکەی بەغدا کە ڕەوانەی هەرێم کراوە بڵاو دەکاتەوە
وەزارەتی دارایی و ئابوری حکومەتی هەرێم رایگەیاند، ئەمڕۆ یەکەمین بڕە پاره لە لایەن حکوومەتی فیدراڵی عێراق، کە بڕی ٢٠٠ ملیار دینارە، خرایه سه‌ر ئەژماری وەزارەتەکە.
وەزارەتی دارایی و ئابووری راگەێندراوێکی لەبارەی گەیشتنی ٢٠٠ ملیارەکە بڵاوکردەوە و رایگەیاند، ئەمڕۆ یەکشەمە كاتژمێر ٢:٠٠ی پاش نیوه‌ڕۆ لە چوارچێوەی جێبەجێ کردنی ڕێکەوتننامەی نێوان هەرێمی کوردستان و عێراق، یەکەمین بڕە پاره لە لایەن حکوومەتی فیدراڵی عێراق، کە بڕی ٢٠٠ ملیار دینارە، خرایه سه‌ر ئەژماری وەزارەتی دارایی و ئابووری حکوومەتی هەرێمی کوردستان، لە بانکی ناوەندی عێراق لقی هەولێر.
نیوەڕۆی ئەمڕۆ سه‌رچاوه‌یه‌ك له ئەنجوومەنی وەزیرانی هەرێمی کوردستان رایگەیاند، "ئه‌و ٢٠٠ ملیار دیناره‌ی كه حكوومه‌تی عێراق بڕیاریدابوو ره‌وانه‌ی هه‌رێمی كوردستانی بكات، ئه‌مڕۆ وه‌زاره‌تی دارایی حكوومه‌تی فیدڕاڵ خستوویه‌تیه سه‌ر هه‌ژماری بانكی هه‌رێم".
١٥ی مانگی رابردوو، ئه‌نجوومه‌نی وه‌زیرانی عێراق بڕیاریدا مانگانه ٢٠٠ ملیار دینار بۆ هه‌رێمی كوردستان بنێرێت، تیایدا هاتبوو، بڕیاره‌كه‌ش تا ئه‌و كاته كاری پێده‌كرێت كه وورده‌كاری دارایی نێوان هه‌رێم و به‌غدا رێكده‌خرێت و دواتریش بڕی پاره‌كه زیاد یان كه‌م ده‌كات.
هه‌ر له‌وباره‌یه‌شه‌وه، مه‌سروور بارزانی، سه‌رۆكی حكوومه‌تی هه‌رێمی كوردستان رایگه‌یاندبوو، رێككه‌وتنی نێوان هه‌رێمی كوردستان و حكوومه‌تی فیدڕاڵی كراوه، بۆ ناردنی بوودجه‌ی هه‌رێمی كوردستان و هه‌نگاوێكی باش ده‌بێت، بۆ زیاتر په‌ره‌پێدان به ئابوری كوردستان، له‌وانه‌ش، مووچه‌ی خه‌ڵك.
ئەم بابەتە 11990 جار خوێندراوەتەوە